Kulandela ukuwa kwamandla emali yakweleSouth Africa eyeRand esetshenziswa laseZimbabwe, abaphila ngokuthengisa ezitaladini, bathi sebelahlekelwa yinzuzo enengi ngoba bethenga impahla zabo ngedola leMelika, kodwa abantu bethenga ngamaRand kumbe amaPula eBotswana, njalo bengazwisisi nxa intengo yalezi impahla ikhwezwa.
Okunengi ngaloludaba, ingxoxo loNkosazana Sithabile Moyo, umqoqi wenhlelo kuhlanganiso ebona ngamalungelo abaphila ngokuthengisa impahla ezitshiyeneyo ezitaladini eye National Vendors Association, kugatsha lwakoBulawayo, igcizelela ukuthi ukuwa kwalimali kubangela ukuthi abanye behlawule imali enengi emoteni zokuhambisa lanxa bethenga ezitolo.
I-Rand liwe kakhulu okwenyanga ezimbalwa ezedluleyo njalo ngoLwesibili ntambama idola elilodwa lintshintshwa libe ngamaRand alitshumi lantathu lamasenti ayisikhombisa, okuyi “one is to 13.7, ” njalo ingcwethi kwezemnotho zithi eleZimbabwe kumele libophe ziqine ngoba lizabhekana lobunzima obukhulu ngenxa yalesi isehlakalo.