Ikhomidi yedale lephalamende eye Public Accounts ithi isiqoqe omunye njalo umhlangano wokucubungula udaba lwenkohlakalo eyetheswa inkampani ye Intratrek leyinye, kulandela ukuchitheka kombuthano wangoMvulo kulwisana amalunga ayo abalisa uMnu. Themba Mliswa loNkosikazi Memory Mbondiah.
UMnu. Mliswa ubesithi njengoba icala lenkohlakalo eletheswa uMnu. Wicknell Chivayo wenkampani yeIntratek lusemthethwanda, akudingakali ukuthi amiswe phambi kwalikhomithi, kodwa abanye bebesithi kufanele azochasisa.
UMnu. Chiayo wayephiwe imali imali nguhulumende eyokuthi athuthukise uhlelo lwe solar energy eGwanda kodwa kwatholakala ukuthi wayengakalusunguli njengesivumelwano se tender ayiphiwayo.
Umgcinisihlalo walikhomithi uMnu. Brian Dube, uthi okwenzakale ngoMvulo ephalamende bekuliphutha njalo uyathemba ukuthi umhlangano ozayo uzaqhubeka ngemfanelo bethathe isinqumo esifaneleyo. Uchasisa lokunye okuhlafunwe ephalamende ngoLwesibili.
