WASHINGTON —
Uhulumende lamuhla uqalisile ukukhulula izibotshwa ezedlula inkulungwane ezimbili; 2000 abaxolelwe ngumongameli Robert Mugabe kunsukwana ezedluleyo, esebenzisa amandla awaphiwa yisisekelo sombuso selizwe.
Abakhululiweyo bagoqela abesifazana, abasakhulayo, asebeluphele, labagulayo.
Abangaxolelwanga bagoqela abagwetshelwa ugodo, abagwetshelwa ukuhlala impilo yonke entolongweni, abadala amacala aphathelane lokweba izifuyo, ukudlwengula, ukubulala abanye, ukuzama ukugenqula uhulumende, ukweba imota, kanye logubamba inkunzi.
Ekhuluma emhlanganweni lentathelizintaba izolo, isiphathamandla sogatsha lukahulumende olubona ngezamajele olwe Prisons Services, uMnu. Agrey Huggins ukhuthaze abantu ukuthi behlalisane kuhle labaxolelweyo. Uphinde wathi uhulumende uzabaqhatsha emisebenzini abayenelisayo ukuyenza ukwenzela ukuthi beziphilise njalo bengadali amanye amacala.
Ukuhlaziya loludaba, sixoxe loMnu. Reggie Moyo, omela i Luveve edale lephalamende, njalo elilunga lekhomithi ebona ngokwenzakala elizweni, eye Defence, Home Affairs and Securiy Services.
UMnu. Moyo utshele uSithandekile Mhlanga weStudio 7 ukuthi bekufanele umongameli Mugabe akhulumisane labanye njengalokhu okulotshwe kusisekelo esitsha sombuso ukwenzela ukuthi kucutshungulwe ukuthi abakhululwayo yibaphi, kwenqatshelwe ukungethembeki kuloluhlelo.
Abakhululiweyo bagoqela abesifazana, abasakhulayo, asebeluphele, labagulayo.
Abangaxolelwanga bagoqela abagwetshelwa ugodo, abagwetshelwa ukuhlala impilo yonke entolongweni, abadala amacala aphathelane lokweba izifuyo, ukudlwengula, ukubulala abanye, ukuzama ukugenqula uhulumende, ukweba imota, kanye logubamba inkunzi.
Ekhuluma emhlanganweni lentathelizintaba izolo, isiphathamandla sogatsha lukahulumende olubona ngezamajele olwe Prisons Services, uMnu. Agrey Huggins ukhuthaze abantu ukuthi behlalisane kuhle labaxolelweyo. Uphinde wathi uhulumende uzabaqhatsha emisebenzini abayenelisayo ukuyenza ukwenzela ukuthi beziphilise njalo bengadali amanye amacala.
Ukuhlaziya loludaba, sixoxe loMnu. Reggie Moyo, omela i Luveve edale lephalamende, njalo elilunga lekhomithi ebona ngokwenzakala elizweni, eye Defence, Home Affairs and Securiy Services.
UMnu. Moyo utshele uSithandekile Mhlanga weStudio 7 ukuthi bekufanele umongameli Mugabe akhulumisane labanye njengalokhu okulotshwe kusisekelo esitsha sombuso ukwenzela ukuthi kucutshungulwe ukuthi abakhululwayo yibaphi, kwenqatshelwe ukungethembeki kuloluhlelo.
