WASHINGTON —
Ekuqhubekeni kwethu silethulela eziphathelane labazancintisa kukhetho oluzayo, lamuhla sikhangela isigaba se Phelandaba-Mpopoma koBulawayo, esasimelwe nguMnu. Samuel Sandla-Khumalo edale lephalamende, okucele le MDC elikhokhelwa nguMnu. Morgan Tsvangirai.
UMnu. Khumalo usezancintisa ezimele kulesisigaba, ngoba esithi waqilibezelwa kukhetho lwama primary elections alelibandla lapho okwanqoba khona umgcinisihlalo wabatsha esigabeni sakoBulawayo, uMnu. Bekithemba Nyathi.
UMnu. Nyathi, owalinyazwa kakubi elihlweni ngodlakela olwaqhamuka ngomnyaka ka 2006 ibandla le MDC lisanda ukudabuka phakathi, wamangalela uMnu. Albert Mhlanga, oseyisiphathamandla seMDC-T emthethwandaba kamantshi koBulawayo ngaloludaba.
Kodwa ababili laba bathi sebakhumisana umlotha njalo basebenza ndawonye ukuthuthukisa ibandla labo. UMnu. Nyathi uthi ulosekelo kulesisigaba ngoba wakhethwa ngokubalulekileyo.
Kodwa uMnu. Khumalo, uthi uzanqoba ePhelandaba-Mpopoma lanxa ezancintisa ezimele ngoba elosekelo olunengi, njalo abantu balesisigaba bekwazi mhlophe ukuthi waqilibezelwa kukhetho lwama primary elections.
Ezinye iziphathamandla ze MDC-T ezibethwe ngamagama nguMnu. Khumalo kulingxoxo, sezalandula amacala afanayo eziwetheswa ngabanye babo.
UMnu. Khumalo usezancintisa ezimele kulesisigaba, ngoba esithi waqilibezelwa kukhetho lwama primary elections alelibandla lapho okwanqoba khona umgcinisihlalo wabatsha esigabeni sakoBulawayo, uMnu. Bekithemba Nyathi.
UMnu. Nyathi, owalinyazwa kakubi elihlweni ngodlakela olwaqhamuka ngomnyaka ka 2006 ibandla le MDC lisanda ukudabuka phakathi, wamangalela uMnu. Albert Mhlanga, oseyisiphathamandla seMDC-T emthethwandaba kamantshi koBulawayo ngaloludaba.
Kodwa ababili laba bathi sebakhumisana umlotha njalo basebenza ndawonye ukuthuthukisa ibandla labo. UMnu. Nyathi uthi ulosekelo kulesisigaba ngoba wakhethwa ngokubalulekileyo.
Kodwa uMnu. Khumalo, uthi uzanqoba ePhelandaba-Mpopoma lanxa ezancintisa ezimele ngoba elosekelo olunengi, njalo abantu balesisigaba bekwazi mhlophe ukuthi waqilibezelwa kukhetho lwama primary elections.
Ezinye iziphathamandla ze MDC-T ezibethwe ngamagama nguMnu. Khumalo kulingxoxo, sezalandula amacala afanayo eziwetheswa ngabanye babo.