BULAWAYO —
Ukuthethwa kwecala lomqondisi wenkampani ye Harare esolelwa ukuthi yiyo eyathengisela iqembu labazingela okungekho emthwetheni itshefu yohlobo lwe Sodium Cyanide abayisebenzisa ukubulala indlovu esezibalelwa ngaphezu kwekhulu eHwange National Park kuqhubekela phambili.
Umnumzana Elvis Ncube ongumqondisi wenkampani yase Southerton eHarare ebizwa ngokuthi Servcor Zimbabwe Private Limited umiswe phambi kukamantshi uNkosikazi Mushove esetheswa icala lokwephula u Chapter 20:27 we Environmental Management Act, wona owalisa ukugcinwa kwempahla ezingaba yingozi endaweni engavunyelwanga emthethweni.
Incwadi zomthethwandaba ezibonwe yi Studio 7 zithi uNcube wathenga amathani amathathu (3 tonnes) etshefu yohlobo lwe Sodium Cyanide wayigcina emzini wakhe ku Number 11, Frederick Booth, Hillside e Harare.
Zichaza njalo ukuthi kunsukwana ezalandelayo, uNcube wathengisela abantu abanengi abagoqela iqembu labasolelwa ukubulala indlovu e Hwange amaqubaquba akhe e sodium cyanide lanxa babengela ncwadi ezitshengisa ukuthi balemvumo yogatsha lwe Environmental Management Act. Akacelwanga ukuthi azivikele ecaleni aletheswayo kodwa uvunyelwe ukuhlawula imali yesibambiso eye bail yamadola alikhulu ($100).
Umantshi uqondise njalo ukuthi ngalesosikhathi, akumelanga uNcube akhulumisane labafakazi ngecala lakhe kanti njalo kufanele aziveze ngo Lwesihlanu amaviki onke enkambeni yamapholisa e Craneborne kuze kuphethwe icala.
Sekubotshwe amadoda ayisikhombisa abikwa aphatheka kumgunyathi wokubulawa kwendlovu e Hwange besetheswa amacala okuzingela okungekho emthethweni, ukutholakala belempondo zendlovu bengelamvumo, ukuthwala kanye lokuthengisa itshefu. Phakathi kwabo, kulo Robert Maphosa, Thabani Zondo kanye lo Dedani Tshuma asebagwetshelwa ukuhlala entolongweni okweminyaka ephakathi kwetshumi lanhlane letshumi lesithupha.
Abanye abathi uMisheck Chitsa, umfowabo u Farai, u Clever Khumalo kanye Sipho Mafu bazamiswa phambi komthethwandaba kunsukwana ezizayo bebhekane lamacala okuzingela okungekho emthethweni kanye lokwephula umthetho we Environmental Management Act.
Kulabanye njalo abaqondisi bamankampani abane asebotshiwe koBulawayo okucatshangelwa ukuthi bathengisela abazingeli itshefu njalo bangabe belokusebenzelana ekugcinweni lekuthengisweni kwempondo zendlovu ezabulawa e Hwange
Umnumzana Elvis Ncube ongumqondisi wenkampani yase Southerton eHarare ebizwa ngokuthi Servcor Zimbabwe Private Limited umiswe phambi kukamantshi uNkosikazi Mushove esetheswa icala lokwephula u Chapter 20:27 we Environmental Management Act, wona owalisa ukugcinwa kwempahla ezingaba yingozi endaweni engavunyelwanga emthethweni.
Incwadi zomthethwandaba ezibonwe yi Studio 7 zithi uNcube wathenga amathani amathathu (3 tonnes) etshefu yohlobo lwe Sodium Cyanide wayigcina emzini wakhe ku Number 11, Frederick Booth, Hillside e Harare.
Zichaza njalo ukuthi kunsukwana ezalandelayo, uNcube wathengisela abantu abanengi abagoqela iqembu labasolelwa ukubulala indlovu e Hwange amaqubaquba akhe e sodium cyanide lanxa babengela ncwadi ezitshengisa ukuthi balemvumo yogatsha lwe Environmental Management Act. Akacelwanga ukuthi azivikele ecaleni aletheswayo kodwa uvunyelwe ukuhlawula imali yesibambiso eye bail yamadola alikhulu ($100).
Umantshi uqondise njalo ukuthi ngalesosikhathi, akumelanga uNcube akhulumisane labafakazi ngecala lakhe kanti njalo kufanele aziveze ngo Lwesihlanu amaviki onke enkambeni yamapholisa e Craneborne kuze kuphethwe icala.
Sekubotshwe amadoda ayisikhombisa abikwa aphatheka kumgunyathi wokubulawa kwendlovu e Hwange besetheswa amacala okuzingela okungekho emthethweni, ukutholakala belempondo zendlovu bengelamvumo, ukuthwala kanye lokuthengisa itshefu. Phakathi kwabo, kulo Robert Maphosa, Thabani Zondo kanye lo Dedani Tshuma asebagwetshelwa ukuhlala entolongweni okweminyaka ephakathi kwetshumi lanhlane letshumi lesithupha.
Abanye abathi uMisheck Chitsa, umfowabo u Farai, u Clever Khumalo kanye Sipho Mafu bazamiswa phambi komthethwandaba kunsukwana ezizayo bebhekane lamacala okuzingela okungekho emthethweni kanye lokwephula umthetho we Environmental Management Act.
Kulabanye njalo abaqondisi bamankampani abane asebotshiwe koBulawayo okucatshangelwa ukuthi bathengisela abazingeli itshefu njalo bangabe belokusebenzelana ekugcinweni lekuthengisweni kwempondo zendlovu ezabulawa e Hwange