Osomabhizimusi abadlelana leZanu-PF uMnu. Mike Chimombe loMnu. Moses Mpofu bathi abenelisi ukuya emawofisini ohlangothi olulwisa inkohlakalo olweZimbabwe Anti-Corruption Commission (ZACC) njengoba bengaphandle kwelizwe.
Ababili laba bathume emawofisini la amagqwetha abo awe-Antonio and Dzvetero Legal Practitioners besithi bazinikele ukuphathisa iZACC ekucwayisisweni kodaba lwenkohlakalo yamadola eMelika ayizigidi ezingamatshumi amane, US$40 million. Kubikwa bayiphiwa yikomishini ye-Zimbabwe Electoral Commission nyakenye kulandela ukuvumelana kwabo layo ukuba bethenge okwakusetshenziswa ngesikhathi sokhetho eZimbabwe.
Lokhu kuza kulandela imibiko eyakhutshwa yisikhulumeli saloluhlangothi uCommissioner Thandiwe Mlobane eyokuthi uhlangothi lolu lumelele ukubuzisisa osomabhizimusi laba kanye loMnu. Wicknell Chivayo ngodaba lolu.
Ukuhlaziya loludaba sixoxe lengcwethi yezombusazwe njalo ekhokhela inhlanganiso yeCommon Market for Liberal Solutions, uMnu. Rejoice Ngwenya.
Forum