Oncintisa Kukhetho lukaMongameli weMelika Emele amaDemocrats uKamala Harris Ukhetha uTim Walz Ukuba Ngumsekeli Wakhe

Ozamela ibandla lamaDemocrats kukhetho lukaMongameli waseMelika uNkosikazi Kamala Harris ngoLwesibili ukhethe usibalukhulu wesigaba seMinnesota uMnu Tim Walz ukuthi abe ngumsekeli wakhe.

UHaris uzakwethula uWalz ngokusemthethweni emhlanganweni wakhe wokukhankasela ukhetho ePhiladelphia ntambama ngosuku lunye.

UMnu Walz wake waba ngumbalisi, waba libutho njalo waba ngumqeqetshi womdlalo weAmerican football.

Kumbiko awethule enkundleni yeX, uNkosikazi Harris uchaze uWalz njengomuntu osebenze gadalala ekuthuthukiseni impilo zabantu makhaza.

Usibalukhulu wePennyslvania uMnu Josh Shapiro, obekhangelelwe ngabanye ukuthi nguye obezakhethwa, utshayele uWalz ihlombe esithi uza losekelo olukhulu kumkhankaso kaHarris.

UNkosikazi Harris uzancintisana loMnu Donald Trump owebandla lamaRepublicans ngoLwezi.

Olandela ezombusazwe weMelika uMnuTim Muringai utshele iStudio 7 ukuthi lanxa abanye bebefuna uShapiro, ubona uNkosikazi Harriz enze kuhle ngokukhetha uWalz.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:13 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala