Omama abedlula amatshumi ayisitshiyangambili - 83 bathola imvuzo yokucomba lokugudula izindlu eMatabeleland South.
Abangene umcintiswano lo bangamakhulu ayisitshiyangalo mbili - 800
Omama bebathe gwaqa ngoLwesihlanu eMagugu International Heritage Cite eMatobo lapho akade bethakazelela uhlelo lwe-My Beautiful Home, olusekelwa ngohulumende laba.
Abanye abacombe bagugula izindlu zabo ngobuciko obuphezulu, bathole imivuzo egoqela amakhuba okulima lokunye.
UNkosikazi Soneni Nyathi, owaqala ukucomba izindlu sakhe kuWard 24 eJeqe Village, nguye onqobe omama bonke.
"Uhlelo lolu lwasenza sahlakanipha njalo lokhu ngakufunada kumama sisakhula. Ngihlala nginqoba njalo ngikhuthaza abanye omama ukuba bangene ehlelweni."
Text: Omunye njalo othole umvuzo nguNkosikazi Khumbulani Ncube ohlala kuWard 24 eMatobo.
"Ngaqala ukucomba ngomnyakaka ka2016 ngiyajabula ngesipho sekhuba lokylima engisithole kuhlelo lokucomba izindlu luyaphakamisa luhle.”
Owaqala ukucomba izindlu ngomnyaka ka2020, uNkosikazi Samukeliso Ncube, uthi ucomba izindlu lembiza azithengisa eBulawayo Art Gallery.
"Uhlelo lolu luyaphakamisa, ngihlala nginqoba sikhathi sonke, sengawina ijojo tank ezimbili, ibhala lonyaka ngithole ikhuba kuyangijabulisa."
Ummeli weMelika eZimbabwe uNkosikazi Pamela Tremont uthi bazahlala besekela uhlelo lweMy Beautiful Home.
"Sivele silenhlelo esizisekelayo zokusekela imvelo, lonyaka sisungula uhlelo lokucomba amantshe ezintabeni zeMatopo."
Uhulumende weGermany nguye osekhokhela uhlelo lweMy Beautiful Home. Ummeli weGermany eZimbabwe, uMnu. Udo Volz, ubesemcimvini wokunika imivuzo abakuhlelo lolu.
“Ngiyajabula ujubona omama abanjengani abazimeleyo beqhuba umsebenzi omuhle kangaka. Kuminyaka ezayo ngikhangelele ukuba liyekwenza lokhu emazweni aphetsheya lobanje sekiqalile ukukwenza phandle kweMatopo endaweni ezibalisa uBulawayo leHarare."
Umqondisi weNational Arts Council eMatabeleland South, uMnu. Percy Vela, uncome imisebenzi yabomama.
"Ukucomba kukhule kakhulu eMatopo njalo sesilungiselela ukuba ingcitshi zalapha ziyefundisa abanye omama kwezinye izigaba zelizwe ukucomba."
Uhlelo lweMy Beautiful Home lwasungulwa nguNkosikazi Veronique Attala ngemva kokukhwabitha ukucomba akubona ngesikhathi etshova intshelelezani ezintabeni zeMatobo kuminyaka elitshumi edlule.
Forum