WASHINGTON DC —
Umhlangano wamazwe omhlaba oweUnited Nations General Assembly ungene kulanga lesibili ngoLwesibili esigodlweni sale inhlanganiso eNew York eMelika. Abethule imbiko yabo ngelanga lesibili lalu mhlangano ngoLwesibili bagoqela uMongameli Barack Obama weleMelika.
UMongameli Robert Mugabe uzakwethula amazwi akhe ngolweSithathu njalo njengenhlalayenza, ukhangelelwe ukusola amazwe angentshonalanga kanye lokukhuthaza ukuguqulwa kwendlela iUnited Nations esebenza ngayo.
Indikima yomhlangano walonyaka ikhuthaza ukuqedwa kwengxabano eziphakathi kwezizwe ngokuthula. UObama ukhuthaze inkokheli yamazwe omhlaba ukuthi yamukele umbuso okhululekileyo.
Usungule inkulumo yakhe ngokusola ukubulawa kommeli weMelika kweleLibya, uMnu Chris Stevens labanye bakhe kunsukwana ezedluleyo.
Udlakela lolu luqhamuke ngemva kokuba esinye isizalwane seMelika sethule umfanekiso owevidiyo obikwa uhlambaza umprofeti wesiMoslem, uMohammed.
UObama uthe lanxa iMelika isola ividiyo le, uhulumende wakhe kasoze ayivimbe ngoba lokho kuzakutsho ukuncindezela owayiqoqayo ukuthi atsho imbono yakhe ngokukhululekileyo, i-free speech.
Uthe njalo uMongameli weleSyria uMnu Bashar al-Assad kumele esuke embusweni kuqedwe impi esibulalise inkulungwane lenkulungwane zabantu kulelo lizwe.
UMongameli Obama ugcizelele ukuqakatheka kombuso wentando kazulu ngokucupha amazwi ake ethulwa ngowake waba nguMongameli weSouth Africa uMnu Nelson Mandela.
Ukuhlaziya amazwi akhe, iStudio 7 ixhume ingcwethi kwezombusazwe uMnu Brilliant Mhlanga, ofundisa ekolitshini leWestminster kweleBhilithani yena othe akukho okutsha okungakhangelelwa kumbiko kaMugabe ngoLwesithathu.
UMongameli Robert Mugabe uzakwethula amazwi akhe ngolweSithathu njalo njengenhlalayenza, ukhangelelwe ukusola amazwe angentshonalanga kanye lokukhuthaza ukuguqulwa kwendlela iUnited Nations esebenza ngayo.
Indikima yomhlangano walonyaka ikhuthaza ukuqedwa kwengxabano eziphakathi kwezizwe ngokuthula. UObama ukhuthaze inkokheli yamazwe omhlaba ukuthi yamukele umbuso okhululekileyo.
Usungule inkulumo yakhe ngokusola ukubulawa kommeli weMelika kweleLibya, uMnu Chris Stevens labanye bakhe kunsukwana ezedluleyo.
Udlakela lolu luqhamuke ngemva kokuba esinye isizalwane seMelika sethule umfanekiso owevidiyo obikwa uhlambaza umprofeti wesiMoslem, uMohammed.
UObama uthe lanxa iMelika isola ividiyo le, uhulumende wakhe kasoze ayivimbe ngoba lokho kuzakutsho ukuncindezela owayiqoqayo ukuthi atsho imbono yakhe ngokukhululekileyo, i-free speech.
Uthe njalo uMongameli weleSyria uMnu Bashar al-Assad kumele esuke embusweni kuqedwe impi esibulalise inkulungwane lenkulungwane zabantu kulelo lizwe.
UMongameli Obama ugcizelele ukuqakatheka kombuso wentando kazulu ngokucupha amazwi ake ethulwa ngowake waba nguMongameli weSouth Africa uMnu Nelson Mandela.
Ukuhlaziya amazwi akhe, iStudio 7 ixhume ingcwethi kwezombusazwe uMnu Brilliant Mhlanga, ofundisa ekolitshini leWestminster kweleBhilithani yena othe akukho okutsha okungakhangelelwa kumbiko kaMugabe ngoLwesithathu.