WASHINGTON —
Uhulumende uthi kumaviki amabili azayo, uzulu uzabe esebuka isithombe sikamuyi uMnu. Joshua Mqabuko Nkomo, owake waba ngumkhokheli webandla le PF ZAPU njalo waba ngumsekeli kamongameli, ngoba esetholile konke okudingakalayo ukuthi aqedise loluhlelo.
Isithombe lesi sasibekwe enkabeni yedolobho lakoBulawayo emgwaqweni kaMain Street lo 8th Avenue ngomnyaka ka 2011 kodwa sethulwa ngemva kokukhonona kwemuli ka muyi isithi sincinyane kakhulu njalo asifani loMnu. Nkomo.
Abalwela ilungelo loluntu labo bakhonona ngokuthi isithombe lesi sakhiwa nguhulumende we North Korea onguye owancedisa ukulolonga ibutho le Fifth Brigade elibikwa labulala inkulungwane lenkulungwane zabantu ngesehlakalo se Gukurahundi ilizwe lisanda ukuthola uzibuse.
Umayor wako Bulawayo osanda ukukhethwa ukhansila Martin Moyo ugcizelele kuStudio 7 ukuthi indawo eyaphiwa uhulumende yikhansili ilokhu ikhona kodwa akusiqiniso ukuthi ikhansili isebenza lohulumende kuloluhlelo.
Isithombe lesi sibikwa sesiphelile njalo sigcinwe eBulawayo Historical Museum.
UMnu. Dumisani Nyongolo Nkomo, ingcwethi ecubungula ezombusazwe, njalo engomunye wemuli kamuyi utshele uSithandekile Mhlanga weStudio 7 ukuthi imuli yakhe izakholwa ngokubona ngoba uhlelo lolu luhlezi lungaphumeleli.
Edabeni olufanayo abalwa kumpi yenkululeko bekuvuyo le ZIPRA i-Zipra Veterans Trust bathi bazahlangana ngoMgqibelo bebonisane ngokuthi bengabamba njani uhulumende ngamandla ukuthi abuyisele impahla abikwa wazithathela lelivuyo kanye lebandla le PF ZAPU ngesikhathi seGukurahundi.
Impahla lezi zibikwa zigoqela iCastle Arms Motel eko Bulawayo, isakhiwo se Nest Egg koBulawayo, imapulazi eAscot Farm eSolusi, Wood Glen Farm eNyamandlovu, le Hawton Farm ese Gweru. Ezinye njalo impahla zinkomo ezazifika amakhulu amane.
Isithombe lesi sasibekwe enkabeni yedolobho lakoBulawayo emgwaqweni kaMain Street lo 8th Avenue ngomnyaka ka 2011 kodwa sethulwa ngemva kokukhonona kwemuli ka muyi isithi sincinyane kakhulu njalo asifani loMnu. Nkomo.
Abalwela ilungelo loluntu labo bakhonona ngokuthi isithombe lesi sakhiwa nguhulumende we North Korea onguye owancedisa ukulolonga ibutho le Fifth Brigade elibikwa labulala inkulungwane lenkulungwane zabantu ngesehlakalo se Gukurahundi ilizwe lisanda ukuthola uzibuse.
Umayor wako Bulawayo osanda ukukhethwa ukhansila Martin Moyo ugcizelele kuStudio 7 ukuthi indawo eyaphiwa uhulumende yikhansili ilokhu ikhona kodwa akusiqiniso ukuthi ikhansili isebenza lohulumende kuloluhlelo.
Isithombe lesi sibikwa sesiphelile njalo sigcinwe eBulawayo Historical Museum.
UMnu. Dumisani Nyongolo Nkomo, ingcwethi ecubungula ezombusazwe, njalo engomunye wemuli kamuyi utshele uSithandekile Mhlanga weStudio 7 ukuthi imuli yakhe izakholwa ngokubona ngoba uhlelo lolu luhlezi lungaphumeleli.
Edabeni olufanayo abalwa kumpi yenkululeko bekuvuyo le ZIPRA i-Zipra Veterans Trust bathi bazahlangana ngoMgqibelo bebonisane ngokuthi bengabamba njani uhulumende ngamandla ukuthi abuyisele impahla abikwa wazithathela lelivuyo kanye lebandla le PF ZAPU ngesikhathi seGukurahundi.
Impahla lezi zibikwa zigoqela iCastle Arms Motel eko Bulawayo, isakhiwo se Nest Egg koBulawayo, imapulazi eAscot Farm eSolusi, Wood Glen Farm eNyamandlovu, le Hawton Farm ese Gweru. Ezinye njalo impahla zinkomo ezazifika amakhulu amane.