Owayengumkhokheli welinye lamacele e-MDC-T uNkosazana Thokozani Khuphe uthi ungene umhlangano wakho wakuqala njengelunga leCitizens Coalition for Change koBulawayo ngoMgqibelo lapho umkhokheli weCCC uMnu. Nelson Chamisa obekhona.
Kubikwa abanye bezame ukwenqabela uMaKhuphe ukuthi angene kodwa uMnu. Chamisa wasukuma yena ngokwakhe wamngenisa njalo wakhuthaza amalunga alelibandla ukuthi engabi lenzondo ngoba i-CCC libandla elitsha elamukela umuntu wonke. Ubikwa enike umzekeliso ngomuyi owayengumongameli uMnu. Robert Mugabe owathi usekela lelibandla liseseyi MDC Alliance.
Eloba enkundleni yeTwitter, uNkosazana Khuphe ugcizelele ukuthi ngempela uphatheke okwakuqala njengelunga kulumhlangano,
Watshela intathelizindaba ngemva kokhetho lwama by-elections oluqhutshwe ngenyanga edluleyo ukuthi yena lamalunga akhe baxhasa ibandla likaMnu. Chamisa njalo abasoze bancintise kukhetho.
Obesazakala njengesikhulumeli seMDC-T uMnu. Ntando Ndlovu uthi bamukelwe njenjabulo kulumhlangano.
Isikhulumeli seCCC koBulawayo uMnu. Swithurn Chirowodza uthi bekungafanelanga uMaKhuphe aphatheke kulumhlangano ngoba ubungowesigaba owe Provincial meeting ongavumeli ingqe ngubani.