Inengi labantu, okugoqela ingcitshi kwezobulenjini beInternet, bathi akudingakali ukuba kwele Zimbabwe kubelogatsha lweze Cyber Security khona kuvele kulogatsha olubona ngezokwethulwa kwemibiko.
Bakhuluma lokhu kulandela ukukhethwa kukaMnu. Patrick Chinamasa nguMongameli Robert Mugabe omsuse kuhlangothi lukahulumende olubona ngezemali wamfaka kolutsha olwe Cyber Security, Threat Detection and Mitigation.
Ingcwethi zebulenjini labalwela amalungelo oluntu bathi uMugabe udlalisa isikhathi lemali yelizwe ngokwenza ugatsha lolu.
Bathi bekumele ananzelele ukuthi sokuvele kulenhlangothi zikahulumende ezikhangelane lezebulenjini beInternet lokunye okufanayo.
Ingcitshi yezebulenjini, uMnu. Robson Murambiwa, uhlangathi lweCyber Security lwenzelwa ukuphandela uChinamasa umsebenzi. UChinamasa ubekuhlangothi olubona ngezemali yelizwe leZimbabwe.
Oloba imidlalo kumabonakude lasemisakazweni, uMnu. Cain Nkala, uthe ukudalwa kwesikhundla esiphiwe uChinamasa yikuphindaphinda komsebenzi owodwa emizameni yokudingelana imisebenzi.
Olwela amalungelo oluntu, uMnu. Thomas Sithole, uvumelane loNkala esithi umsebenzi kaChinamasa ngabe ufakwe ngaphansi kukamphathintambo weze Information Communication Technology ngoba ilizwe kalilamali.
UNkosazana Koliwe Nyoni-Majama, obona ngokuqhutshwa kwenhlelo zebulenjini enhlanganisnisweni yeMedia Institute of Southern Africa - Zimbabwe, uthe bebesakhangelele ukuba umthetho weCyber Security Crime obubunjwa phansi kogatsha lweICT ulungiswa njani bengakwazi ukuthi uMugabe uzaba lolunye uhlangothi lukahulumende olubona ngokufana lalokhu.
Uhulumende usanda kusola kakhulu labo athi bagijimela ukuyakwethula okutshiyeneyo ebulenjini beFacebook, Twitter lokunye okufanayo okwenza ilizwe leZimbabwe lingathuthuki ngemfanelo.
Abantu sebecabanga ukuthi uhlangothi lweCyber Security lulungiselelwe ukuthi luvimbe konke lokhu.