********* Inengi labantu elizweni libikwa lisithi liyamethemba umongameli Robert Mugabe, isilinganiso sokungamatshumi phose amahlanu-47%, labo besithi bazimisele ukumvotela kukhetho lukamongameli laloba lungenziwa kusasa.
********* Uzulu udlana ingqondo ngokungenzakala nxa uMongameli Robert Mugabe engatshiya isikhundla sakhe lamuhla. Bakhona abathi kungaba isiphansi phezulu kubandla leZanu PF.
*********** Uhulumende selaye amankampani emigodi ukuthi ehlise amagetsi abawasebenzisayo ngokungamatshumi amabili lanhlanu ekhulwini njengendlela yokuwalondoloza. Osomabhizimusi bathi uhulumende kumele elungisise udaba lolu ngokuphangisa.
*********** Kulomphathisikolo odabuka eZimbabwe obhubhele engozini yemota edolobheni leIndianapolis khonapha eMelika izolo kanye labantwana ababili ekade ebathwele emoteni, okugoqela umntanakhe. Umnu Norris Ncube ubengumphathisikolo weIndianapolis Junior Academy.
******** Uhulumende weZimbabwe ukhuthazwa ukuqakathekisa inhlelo eziphathisa inhlalakahle kazulu, imali enengi yabelwe ezempilakahle, ukuphathisa abaswelayo kanye lezokulima lapho ehlela uluhlu lokusetshenziswa kwemali yakhe yomnyaka ozayo eye 2016 Budget.
***********KuLivetalk namhlanje sikhangela uhlelo lokufaka inotho ezandleni zabesundu olwe Indigenisation. Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 AM kumbe 4930 lo15455 Shortwave.
