WASHINGTON —
Icele leMDC elikhokhelwa nguMnu. Morgan Tsvangirai lithi selimise umsebenzi okwesikhatshana omayor lamakhansila- abavotele amalunga ebandla leZANU PF ezikhundleni njalo lisacubungula udaba lwalabo abangavotanga belandela izinqumo zalelibandla lanxa bavotele omunye wabo.
Incwadi esezandleni ze Studio 7 elotshwe ngunobhala jikelele we MDC-T uMnumzana Tendai Biti imisa umsebenzi umayor weMutare ukhansila Tatenda Nhamare, labanye bakhe oMnu. Farai Bhiza, Richard Mupfura, loNkosazana Pamela Mutari. Lithi bebekwazi ukuthi kumele bavotele ukhansila Thomas Nyamupanedengu ukuthi abengumayor esekelwa ngumnumzana Kudakwashe Chisango, kodwa bona bavotela uNhamare kanye losengumsekeli wakhe owebandla leZANU PF.
UMnu. Joel Gabhuza, umsekeli wesikhulumi seMDC-T uthi ngokunjalo, amakhansila edolobheni le Victoria Falls, Kwekwe, le Gweru baphakathi kokwamukela incwadi ezifanayo kumbe ukudingisiswa kwamacala abo kulelibandla kusiya ngokuthi bavote njani.
UGabhuza utshele uSithandekile Mhlanga weStudio 7 ukuthi amakhansila la khona ezamiswa phambi kwe disciplinary committee yalelibandla njalo bazaqhubeka besebenza kodwa bemiswe ebandleni kuphela.
Incwadi esezandleni ze Studio 7 elotshwe ngunobhala jikelele we MDC-T uMnumzana Tendai Biti imisa umsebenzi umayor weMutare ukhansila Tatenda Nhamare, labanye bakhe oMnu. Farai Bhiza, Richard Mupfura, loNkosazana Pamela Mutari. Lithi bebekwazi ukuthi kumele bavotele ukhansila Thomas Nyamupanedengu ukuthi abengumayor esekelwa ngumnumzana Kudakwashe Chisango, kodwa bona bavotela uNhamare kanye losengumsekeli wakhe owebandla leZANU PF.
UMnu. Joel Gabhuza, umsekeli wesikhulumi seMDC-T uthi ngokunjalo, amakhansila edolobheni le Victoria Falls, Kwekwe, le Gweru baphakathi kokwamukela incwadi ezifanayo kumbe ukudingisiswa kwamacala abo kulelibandla kusiya ngokuthi bavote njani.
UGabhuza utshele uSithandekile Mhlanga weStudio 7 ukuthi amakhansila la khona ezamiswa phambi kwe disciplinary committee yalelibandla njalo bazaqhubeka besebenza kodwa bemiswe ebandleni kuphela.
