WASHINGTON DC —
EleSouth Africa lithi lesabela ukuthi amankampani ezizalwane zalo aseZimbabwe alakho ukuthathwa nguhulumende phansi komthetho othuthukisa abensundu oweIndigenization and Economic Empowerment Act.
Umphathintambo obona ngobudlelwano beSouth Africa lamanye amazwe, uNkosikazi Maite Nkoana-Mashabane uveze ukukhathazeka lokhu ngoLwesibili emhlanganweni awenze losowabo weZimbabwe uMnu Simbarashe Mumbengegwi ePretoria.
Umthetho weIndigenization ubamba amankampani akwamanye amazwe ngamandla ukuthi athengisele izizalwane zeZimbabwe isilinganiso sokungamatshumi amahlanu lanye ekhulwini, 51%.
Kodwa uMumbengegwi uthembise eleSouth Africa ukuthi amankampani alo lezizalwane zalo kasoze athintwe.
UNkosikazi Nkoana-Mashabane utshele intathelizindaba ngemva komhlangano lo ukuthi bazaqhubeka bekhulumisana leZimbabwe ngodaba lolu.
Abazi ngokwenzakalayo bathi eleSouth Africa alisuthiseki ngesithembiso seZimbabwe ngoba uhulumende weZanu PF ehluthune amapulazi ezizalwane zeSouth Africa eminyakeni edluleyo lanxa bekulesivumelwano phakathi kwamazwe womabili esivikela amapulazi la.
Ukuhlaziya loludaba uNtungamili Nkomo weStudio 7 uxhume ingcwethi ecubungula ezenotho lezombusazwe uMnu Rejoice Ngwenya yena othi akulasiqiniseko sokuthi ngempela uhulumende weZimbabwe uzawahlonipha amankampani eSouth Africa.
Umphathintambo obona ngobudlelwano beSouth Africa lamanye amazwe, uNkosikazi Maite Nkoana-Mashabane uveze ukukhathazeka lokhu ngoLwesibili emhlanganweni awenze losowabo weZimbabwe uMnu Simbarashe Mumbengegwi ePretoria.
Umthetho weIndigenization ubamba amankampani akwamanye amazwe ngamandla ukuthi athengisele izizalwane zeZimbabwe isilinganiso sokungamatshumi amahlanu lanye ekhulwini, 51%.
Kodwa uMumbengegwi uthembise eleSouth Africa ukuthi amankampani alo lezizalwane zalo kasoze athintwe.
UNkosikazi Nkoana-Mashabane utshele intathelizindaba ngemva komhlangano lo ukuthi bazaqhubeka bekhulumisana leZimbabwe ngodaba lolu.
Abazi ngokwenzakalayo bathi eleSouth Africa alisuthiseki ngesithembiso seZimbabwe ngoba uhulumende weZanu PF ehluthune amapulazi ezizalwane zeSouth Africa eminyakeni edluleyo lanxa bekulesivumelwano phakathi kwamazwe womabili esivikela amapulazi la.
Ukuhlaziya loludaba uNtungamili Nkomo weStudio 7 uxhume ingcwethi ecubungula ezenotho lezombusazwe uMnu Rejoice Ngwenya yena othi akulasiqiniseko sokuthi ngempela uhulumende weZimbabwe uzawahlonipha amankampani eSouth Africa.
