WASHINGTON —
Kubikwa kufe abantu abambalwa emhlanganweni we rally ye ZANU PF enkundleni ye Chibuku Stadium emzini weChitungwiza ngoLwesibili ngenxa yokugcwala kakhulu lokunyathezelana. Umongameli Robert Mugabe nguye obekhuluma kulumhlangano wokukhankasela ukhetho olukhona ekupheleni kwayonale inyanga kaNtulikazi mhlaka 31.
Abanye babikwa befele kudlakela lokuxokozela abantu bebangelana amakawuso ama t-shirts alelibandla, kwathi abanye baqaleka ngoba bekugcwele kakhulu enkundleni le.
Isikhulumi samapholisa uNkosikazi Charity Charamba utshele iStudio 7 ukuthi umduli we dura wall enkundleni leyo uwile kwathi abakade behlezi phezu kwawo balimala kakubi.
Abazi ngokwenzakalayo bathi inengi labantu belibanjwe ngamandla ukuya kulumhlangano.
Ekhuluma kulumhlangano, uMongameli Mugabe uchothoze iziphathamandla zecele le MDC elikhokhelwa nguMnu. Morgan Tsvanigrai ezigoqela uMnu. Tendai Biti kanye lamakhansila axotshwa nguMnu. Tsvangirai e Chitungwiza esetheswa icala lokungethembeki.
Abanye babikwa befele kudlakela lokuxokozela abantu bebangelana amakawuso ama t-shirts alelibandla, kwathi abanye baqaleka ngoba bekugcwele kakhulu enkundleni le.
Isikhulumi samapholisa uNkosikazi Charity Charamba utshele iStudio 7 ukuthi umduli we dura wall enkundleni leyo uwile kwathi abakade behlezi phezu kwawo balimala kakubi.
Abazi ngokwenzakalayo bathi inengi labantu belibanjwe ngamandla ukuya kulumhlangano.
Ekhuluma kulumhlangano, uMongameli Mugabe uchothoze iziphathamandla zecele le MDC elikhokhelwa nguMnu. Morgan Tsvanigrai ezigoqela uMnu. Tendai Biti kanye lamakhansila axotshwa nguMnu. Tsvangirai e Chitungwiza esetheswa icala lokungethembeki.
