WASHINGTON DC —
URegistrar General uMnu Tobaiwa Mudede sexwayise uzulu ukuthi engakhangeli uluhlu lwabalelungelo lokuvota (voters roll) olufakwe ebulenjini be-internet ku-website ethiwa myzimvote.com.
I-website le ivumela uzulu weZimbabwe, ngitsho losemazweni, ukuthi enelise ukukhangela ukuthi ukhona na ku-voters’ roll ngokufaka inombolo zakhe zesithupha.
Kodwa kusaziso asethule ngoMvulo, uMudede uthe uluhlu lolu lulembiko engaqondanga, wathi njalo aluveli ehofisnini yakhe.
Ngalokho, uMnu Mudede uthe uzulu kumele aqaphele. Wengeze wathi uhulumende uphakathi kokucwayisisa ngaloludaba.
I-myzimvote.com ithi umsebenzi wayo ngowokupha izizalwane zeZimbabwe imbiko eqondileyo lolwazi ngohlelo lokubhalisela ukuvota. Abaziwa ukuthi ngobani abanikazi be-website le.
Incwadi esibalobele yona sicela ukukhulumisana labo ngodaba lolu ibilokhu ingakaphendulwa ngalintambama.
Ingcwethi kwezombusazwe njalo engumgcinisihlalo weNational Association of Non-Governmental Organization (NANGO) uMnu Effie Dlela Ncube utshele iStudio 7 ukuthi uvumelana loMudede.
UNcube uthe uzulu kumele ayehlola amagama akhe ku-voters roll ekhitshwa yihofisi kaMudede ukwenzela ukuthi abeleqiniso lokuthi ubhaliwe njalo uzavota kukhetho oluzayo.
"Uzulu kumele akulandele khonalokho, loba ungaze uhambe uyekhangela kuleyo-website kumele uyekhangela ivoters' roll ekhitshwe nguhulumende," kutsho uNcube.
"... Ngoba phela ungazitshela ukuthi ukhangele ebulenjini kanti igama lakho alikho kuluhlu lukahulumende."
Kunjalo nje, uhlelo lwe-mobile voter registration, lona oluqale ngenyanga edluleyo lukhangelelwe ukugqitshwa ngoLwesibili.
Kodwa uzulu uvunyelwe ukuyahlola kumbe ukuyabhalisa amabizo akhe ehofisini kaRegistrar General.
I-website le ivumela uzulu weZimbabwe, ngitsho losemazweni, ukuthi enelise ukukhangela ukuthi ukhona na ku-voters’ roll ngokufaka inombolo zakhe zesithupha.
Kodwa kusaziso asethule ngoMvulo, uMudede uthe uluhlu lolu lulembiko engaqondanga, wathi njalo aluveli ehofisnini yakhe.
Ngalokho, uMnu Mudede uthe uzulu kumele aqaphele. Wengeze wathi uhulumende uphakathi kokucwayisisa ngaloludaba.
I-myzimvote.com ithi umsebenzi wayo ngowokupha izizalwane zeZimbabwe imbiko eqondileyo lolwazi ngohlelo lokubhalisela ukuvota. Abaziwa ukuthi ngobani abanikazi be-website le.
Incwadi esibalobele yona sicela ukukhulumisana labo ngodaba lolu ibilokhu ingakaphendulwa ngalintambama.
Ingcwethi kwezombusazwe njalo engumgcinisihlalo weNational Association of Non-Governmental Organization (NANGO) uMnu Effie Dlela Ncube utshele iStudio 7 ukuthi uvumelana loMudede.
UNcube uthe uzulu kumele ayehlola amagama akhe ku-voters roll ekhitshwa yihofisi kaMudede ukwenzela ukuthi abeleqiniso lokuthi ubhaliwe njalo uzavota kukhetho oluzayo.
"Uzulu kumele akulandele khonalokho, loba ungaze uhambe uyekhangela kuleyo-website kumele uyekhangela ivoters' roll ekhitshwe nguhulumende," kutsho uNcube.
"... Ngoba phela ungazitshela ukuthi ukhangele ebulenjini kanti igama lakho alikho kuluhlu lukahulumende."
Kunjalo nje, uhlelo lwe-mobile voter registration, lona oluqale ngenyanga edluleyo lukhangelelwe ukugqitshwa ngoLwesibili.
Kodwa uzulu uvunyelwe ukuyahlola kumbe ukuyabhalisa amabizo akhe ehofisini kaRegistrar General.