Abakubandla lama Republicans abafisa ukukhethwa ukulimela kukhetho lukamongameli oluzaqhutshwa lonyaka ngoLwezi bakhangelelwe ukuba bazakhethwa ngoMvulo esigabeni seIowa esingesakuqala okuzakwenziwa ukhetho lolu.
Abezindaba abeReuters babika ukuba kukhetho lolu, olwenziwa kulamakhaza amangalisayo, kuzakhethwa phakathi kowayengumongameli uMnu. Donald Trump, uNkosikazi Nikky Helly owayemele iMelika kunhlanganiso yeUnited Nations loMnu. Ron DeSantis usibalukhulu wesigodlo seFlorida.
Abacubungula ezokhetho bathi uTrump uyakhokhela kulabo abathi bazavota ngokwedlula okuyisilinganiso sokungamatshumi amabili ekhulwini – 20%.
UHaley uyamlandela kubesokubuya uDeSantis. Ozanqoba kukhetho lolu, ukhangelelwe ukuba uzangqikilana loMongameli Joe Biden kukhetho oluzayo.
UMnu. Raphael Mthombeni odabuka eZimbabwe olandela ezombusazwe uthi kukhangelelwe ukuba uTrump uzanqoba kukhetho oluqhutshwa esabelweni seIowa.
Kuzakwenziwa olunje njalo ukhetho kulandela loku kuze kwenele izigaba zonke zeMelika andubana kwenziwe ukhetho lwelizwe.
Forum