WASHINGTON DC —
Iqembu elihlabela iRhumba, eleMlambosi Epress Band selilandule imbiko yokuthi omunye wabahlabeleli balo uThuthani Suppah Ndlovu wadutshulwa ezama ukubamba inkunzi.
UNdlovu udutshulwe wafa yisizalwane seSomalia eDiepsloot kweleSouth Africa ngeSonto ehamba leqembu lakhe ngemota betshaya ingoma ezikudlalade labo elitsha njalo belithengisela abalandeli babo.
Amaphephandaba eSouth Africa amanengi athi abafana beMlambosi babezama ukuntshontshela ubaba weSomalia lo ee edubule abulale uNdlovu lesinye isizalwane seZimbabwe esingakenelisi ukuthola igama laso.
Kodwa leliqembu, lona elidabuka ePlumtree njalo lidume kakhulu eMatabeleland kanye leSouth Africa, lithi ingamanga limbiko.
Amalunga aleliqembu athi umadubula wacunulwa yikuthi bafika bamisa imota yabo phambi kwevinkili lakhe betshaya ingoma zabo zikhalela phezulu. Umsolwa uzamiswa phambi komthethwandaba ngeviki ezayo.
Umqondisi weMlambosi uThabani Ndlovu uthe balabafakazi abanengi ababona isiga lesi sisenzakala.
"Iqiniso seliphumele egcekeni njalo silofubafazi obupheleleyo ngoba abasekeli beMlambosi babekhona ngobunengi lapha eDiepsloot," uNdlovu utshele iStudio 7.
"Simisa nje imota yethu sasimiswe yibo abasekeli bethu befuna ukuthenga amadlalade ethu. Umsolwa waqamba amanga ngodaba lwenkunzi ngoba laye engazi ukuthi engasichaya njani isiga asenzayo."
UNdlovu uveze ukuthi isidumbu sikamuyi sizahanjiswa eZimbabwe ngeviki ezayo.
Wengeze wathi ngoLwesihlanu abaculi beZimbabwe abatshiyeneyo bazakwenza ikhonsathi eHillbrow ngenjongo yokudinga imali ezaphathisa emngcwabeni kaNdlovu.
UNdlovu udutshulwe wafa yisizalwane seSomalia eDiepsloot kweleSouth Africa ngeSonto ehamba leqembu lakhe ngemota betshaya ingoma ezikudlalade labo elitsha njalo belithengisela abalandeli babo.
Amaphephandaba eSouth Africa amanengi athi abafana beMlambosi babezama ukuntshontshela ubaba weSomalia lo ee edubule abulale uNdlovu lesinye isizalwane seZimbabwe esingakenelisi ukuthola igama laso.
Kodwa leliqembu, lona elidabuka ePlumtree njalo lidume kakhulu eMatabeleland kanye leSouth Africa, lithi ingamanga limbiko.
Amalunga aleliqembu athi umadubula wacunulwa yikuthi bafika bamisa imota yabo phambi kwevinkili lakhe betshaya ingoma zabo zikhalela phezulu. Umsolwa uzamiswa phambi komthethwandaba ngeviki ezayo.
Umqondisi weMlambosi uThabani Ndlovu uthe balabafakazi abanengi ababona isiga lesi sisenzakala.
"Iqiniso seliphumele egcekeni njalo silofubafazi obupheleleyo ngoba abasekeli beMlambosi babekhona ngobunengi lapha eDiepsloot," uNdlovu utshele iStudio 7.
"Simisa nje imota yethu sasimiswe yibo abasekeli bethu befuna ukuthenga amadlalade ethu. Umsolwa waqamba amanga ngodaba lwenkunzi ngoba laye engazi ukuthi engasichaya njani isiga asenzayo."
UNdlovu uveze ukuthi isidumbu sikamuyi sizahanjiswa eZimbabwe ngeviki ezayo.
Wengeze wathi ngoLwesihlanu abaculi beZimbabwe abatshiyeneyo bazakwenza ikhonsathi eHillbrow ngenjongo yokudinga imali ezaphathisa emngcwabeni kaNdlovu.
