WASHINGTON —
Amabandla abalisa elinye icele leMDC, eleMavambo/Kusile/Dawn lele ZANU Ndonga athi asemanyene ngenhloso yokulwisa ukususa umbuso kamongameli Robert Mugabe webandla alikhokhelayo ele ZANU PF endawonye kukhetho oluzayo mhlaka 31 kuyonale inyanga.
Esazisa ngalesisehlakalo emhlanganweni lenthathelizindaba e Harare ngoMvulo umkhokheli we Mavambo Kusile Dawn uDokotela Simba Makoni uthi leli nyathelo balithethe ngoba belesifiso sokubona kusiba lenguquko emqotho kuhulumende weZimbabwe ozakwenza ukuba ubunzima obubhekana lozulu buphele.
Inhloko kahulumende engumongameli njalo welinye lamacele e MDC uMnumzana Morgan Tsvangirai obekhona emkhosini munye uthe kungaba yikuzifisela ukutshabalala ilizwe le Zimbabwe lingazisusa kumanyano we Sadc.
UMugabe wazise abalandeli bakhe eHarare ngeviki esanda kwedlula ukuba umanyano we Sadc ungakhetha ukwenza ekufunayo zikhathi zonke ele Zimbabwe lilakho ukuphuma kiwo.
UTsvangirai uthi noma umumo ungalungelanga ukhetho uzancintisa kuphela njalo ezimisele ukunqoba:
UMnumzana Welshman Ncube okhekhela elinye lamacele eMDC ubengekho kulumhlangano njalo yena sebhalisele ukuncintisa esikhundleni sikamongameli kukhetho oluzayo .
Ngaphansi kwalesi sivumelwano amabandla la azasekela uTsvangirai esikhundleni sika mongameli. Abankankaselele izikhundla zedale le phalamende lama council abe se bumba uhulumende womanyano nxa enganqoba kukhetho oluzayo.
Ukuhlaziya loludaba, sixoxe lengcwethi ecubungula ezombusazwe uMnu. Rejoice Ngwenya yena othi ukubambana kwamacele womabili eMDC yikho kuphela okungakhulela ibandla le ZANU PF.
UMnu. Ngwenya utshele uSithandekile Mhlanga weStudio 7 ukuthi kufanele abantu benanzelele ukuthi usekelo lwe eight percent yamavoti atholwa nguMnu. Makoni kukhetho ayevela kubasekeli becele le MDC elikhokhelwa nguMnu. Welshman Ncube, kukanti i-ZANU Ndonga ayilasekelo elizweni ngaphandle kweChiphinge.
Esazisa ngalesisehlakalo emhlanganweni lenthathelizindaba e Harare ngoMvulo umkhokheli we Mavambo Kusile Dawn uDokotela Simba Makoni uthi leli nyathelo balithethe ngoba belesifiso sokubona kusiba lenguquko emqotho kuhulumende weZimbabwe ozakwenza ukuba ubunzima obubhekana lozulu buphele.
Inhloko kahulumende engumongameli njalo welinye lamacele e MDC uMnumzana Morgan Tsvangirai obekhona emkhosini munye uthe kungaba yikuzifisela ukutshabalala ilizwe le Zimbabwe lingazisusa kumanyano we Sadc.
UMugabe wazise abalandeli bakhe eHarare ngeviki esanda kwedlula ukuba umanyano we Sadc ungakhetha ukwenza ekufunayo zikhathi zonke ele Zimbabwe lilakho ukuphuma kiwo.
UTsvangirai uthi noma umumo ungalungelanga ukhetho uzancintisa kuphela njalo ezimisele ukunqoba:
UMnumzana Welshman Ncube okhekhela elinye lamacele eMDC ubengekho kulumhlangano njalo yena sebhalisele ukuncintisa esikhundleni sikamongameli kukhetho oluzayo .
Ngaphansi kwalesi sivumelwano amabandla la azasekela uTsvangirai esikhundleni sika mongameli. Abankankaselele izikhundla zedale le phalamende lama council abe se bumba uhulumende womanyano nxa enganqoba kukhetho oluzayo.
Ukuhlaziya loludaba, sixoxe lengcwethi ecubungula ezombusazwe uMnu. Rejoice Ngwenya yena othi ukubambana kwamacele womabili eMDC yikho kuphela okungakhulela ibandla le ZANU PF.
UMnu. Ngwenya utshele uSithandekile Mhlanga weStudio 7 ukuthi kufanele abantu benanzelele ukuthi usekelo lwe eight percent yamavoti atholwa nguMnu. Makoni kukhetho ayevela kubasekeli becele le MDC elikhokhelwa nguMnu. Welshman Ncube, kukanti i-ZANU Ndonga ayilasekelo elizweni ngaphandle kweChiphinge.