WASHINGTON DC —
Ibandla leMDC-T selilandule imbiko yokuthi lilenjongo yokuguqula isisekelo salo emhlanganweni weCongress ngoMfumfu lemuke unobhala jikelele walo amandla liwaphe umkhokheli uMnu Morgan Tsvangirai.
Lelibandla liphakathi kokudinga imbono yabasekeli balo phezu kwenguquko abafuna yenziwe kusisekelo sebandla.
Osiyazi bathi kulemizamo enziwa yisiphathamandla zalelibandla eyokuletha inguquko ezakupha uTsvangirai amandla amanengi kakhulu.
Lokhu kwenze ihofisi kaTsvangirai yethula umbiko ilandula njalo ithembisa ukuthi lelibandla kalisoze lilethe inguquko epha umkhokheli walo amandla aphindiweyo.
Isiphathamandla seMDC-T uMnu Abednico Bhebhe laye ugcizelele limbiko.