WASHINGTON DC —
Umkhokheli weMDC uMnu Welshman Ncube uthi lanxa bengamukeli impumela yokhetho olusanda kwedlula, lelibandla kalisoze lidlalise isikhathi ngokuphikisa limpumela emthethwandaba.
UNcube uthi njalo ibandla lakhe kalisoze lizihluphe ngokucela inhlanganiso yeAfrican Union leSadc ukuthi zingenele ngoba zisithi ukhetho luqhutshwe ngemfanelo.
"ISadc leAU sezikubeke sobala ukuthi ziyasuthiseka ngempumela yokhetho. Ngalokho ukuya kulezinhlanganiso yikudlala ngesikhathi," uMnu Ncube utshele amalunga ebandla lakhe koBulawayo ngoLwesithathu.
Ukhuthaze njalo amalunga alelibandla labasekeli balo ukuthi baqalise ukusebenza nzima belungiselela ukhetho luka2018.
"Kuqalanje namuhla, kumele siqalise ukuvuselela zonke inhlangoti zebandla silungiselela ukhetho luka2018. Akulasikhathi sokuphumula. Asibeni lethemba, singabambana singanqoba," kukhuthaze uNcube.
Wengeze wathi ibandla lakhe lizaqhubeka likhankasela umbuso wezabelo, idevolution.
Imbiko kaNcube iza kulokwesabela ukuthi iZanu PF ilakho ukwesula udaba lwedevolution kusisekelo esitsha ngoba isikhokhela idale lephalamende, okwenza ibelamandla okuguqula imithetho santando.
Isikhulumeli seMDC uMnu Nhlanhla Dube ugcizelele amazwi kaNcube esithi ukuya kuSadc lakuAU kumbe emthethwandaba yikudlala ngesikhathi.
Ibandla leMDC elikhokhelwa nguMnu Morgan Tsvangirai lithi lizakwethulela inhlanganiso zombili ubufakazi bokuqilibezela kweZanu PF kukhetho.
Lelibandla lithi ukhetho kumele lwenziwe kutsha. Umkhokheli walo, uMnu Morgan Tsvangirai ubencintisana loNcube loMongameli kukhetho lokudinga uMongameli welizwe.
UMugabe nguye onqobileyo. Uthole isilinganiso sokungamatshumi ayisithupha lanye ekhulwini, 61 percent.
Ibandla lakhe leZanu PF lalo linqobe ngezinga eliphezulu kukhetho lokudinga amalunga edale lephalamende.
Lanxa iAU, iSadc leZzimbabwe Electoral Commission (ZEC) zisithi uMongameli Mugabe wanqoba kuhle, amacele womabili eMDC athi kwabalokuqilibezela okukhulu kulolukhetho.
UNcube uthi njalo ibandla lakhe kalisoze lizihluphe ngokucela inhlanganiso yeAfrican Union leSadc ukuthi zingenele ngoba zisithi ukhetho luqhutshwe ngemfanelo.
"ISadc leAU sezikubeke sobala ukuthi ziyasuthiseka ngempumela yokhetho. Ngalokho ukuya kulezinhlanganiso yikudlala ngesikhathi," uMnu Ncube utshele amalunga ebandla lakhe koBulawayo ngoLwesithathu.
Ukhuthaze njalo amalunga alelibandla labasekeli balo ukuthi baqalise ukusebenza nzima belungiselela ukhetho luka2018.
"Kuqalanje namuhla, kumele siqalise ukuvuselela zonke inhlangoti zebandla silungiselela ukhetho luka2018. Akulasikhathi sokuphumula. Asibeni lethemba, singabambana singanqoba," kukhuthaze uNcube.
Wengeze wathi ibandla lakhe lizaqhubeka likhankasela umbuso wezabelo, idevolution.
Imbiko kaNcube iza kulokwesabela ukuthi iZanu PF ilakho ukwesula udaba lwedevolution kusisekelo esitsha ngoba isikhokhela idale lephalamende, okwenza ibelamandla okuguqula imithetho santando.
Isikhulumeli seMDC uMnu Nhlanhla Dube ugcizelele amazwi kaNcube esithi ukuya kuSadc lakuAU kumbe emthethwandaba yikudlala ngesikhathi.
Ibandla leMDC elikhokhelwa nguMnu Morgan Tsvangirai lithi lizakwethulela inhlanganiso zombili ubufakazi bokuqilibezela kweZanu PF kukhetho.
Lelibandla lithi ukhetho kumele lwenziwe kutsha. Umkhokheli walo, uMnu Morgan Tsvangirai ubencintisana loNcube loMongameli kukhetho lokudinga uMongameli welizwe.
UMugabe nguye onqobileyo. Uthole isilinganiso sokungamatshumi ayisithupha lanye ekhulwini, 61 percent.
Ibandla lakhe leZanu PF lalo linqobe ngezinga eliphezulu kukhetho lokudinga amalunga edale lephalamende.
Lanxa iAU, iSadc leZzimbabwe Electoral Commission (ZEC) zisithi uMongameli Mugabe wanqoba kuhle, amacele womabili eMDC athi kwabalokuqilibezela okukhulu kulolukhetho.