Amacele womabili eMDC athi sekhangelele ukuthi umlamulankunzi kudaba lweZimbabwe uMongameli Jacob Zuma weleSouth Africa, aphenduke elizweni azezama ukuxazulula udaba lwesisekelo sombuso esitsha.
Amacele la athi selobele uZuma kanye loMongameli Jakaya Kiketwe weleTanzania, ongumgcinisihlalo weSadc Troika, ukuthi babuye eHarare bazezama ukulungisisa loludaba.
Athi njalo selobele uMugabe incwadi emazisa ukuthi kasoze avume ukufakwa kwenguquko efunwa yiZanu PF kugwalo lwesisekelo sombuso esitsha esilotshwe yiCopac.
IZanu PF yale ukwamukela ugwalo lweCopac isithi lumumethe inhlamvu ezingavelanga kuzulu ezigoqela udaba lombuso wezabelo, idevolution.
Kodwa amacele eMDC ayakulandula lokhu esithi yona yiyo efuna ukufaka izinto ezingavelanga kuzulu kugwalo lolu.
"Zithobelene, akusela etshovela emuva," kutsho isikhulumeli seMDC ekhokhelwa nguMnu Welshman Ncube, uMnu Nhlanhla Dube.
"AbeZanu PF bahambe bayabhala isisekelo sombuso esitsha ngoba lokhu abathi bafuna kukhutshwe okunjenge-devolution, ayisikho okwakhulunywa nguzulu kuhlelo lokuqoqa imbono yabantu."
Amazwi kaDube agcizelelwe ngumsekelo wesikhulumeli seMDC ekhokhelwa nguMnu Morgan Tsvangirai uMnu Joel Gabuza, yena othe sebemelele uZuma ukuthi aphenduke eHarare.
UMongameli Zuma ubeselizweni ngenyanga edluleyo emizameni yokuxazulula udaba lwesisekelo lolu lokunye okuhluphayo kuhulumende kodwa wabuyela eSouth Africa elengise izandla.
Amacele la athi selobele uZuma kanye loMongameli Jakaya Kiketwe weleTanzania, ongumgcinisihlalo weSadc Troika, ukuthi babuye eHarare bazezama ukulungisisa loludaba.
Athi njalo selobele uMugabe incwadi emazisa ukuthi kasoze avume ukufakwa kwenguquko efunwa yiZanu PF kugwalo lwesisekelo sombuso esitsha esilotshwe yiCopac.
IZanu PF yale ukwamukela ugwalo lweCopac isithi lumumethe inhlamvu ezingavelanga kuzulu ezigoqela udaba lombuso wezabelo, idevolution.
Kodwa amacele eMDC ayakulandula lokhu esithi yona yiyo efuna ukufaka izinto ezingavelanga kuzulu kugwalo lolu.
"Zithobelene, akusela etshovela emuva," kutsho isikhulumeli seMDC ekhokhelwa nguMnu Welshman Ncube, uMnu Nhlanhla Dube.
"AbeZanu PF bahambe bayabhala isisekelo sombuso esitsha ngoba lokhu abathi bafuna kukhutshwe okunjenge-devolution, ayisikho okwakhulunywa nguzulu kuhlelo lokuqoqa imbono yabantu."
Amazwi kaDube agcizelelwe ngumsekelo wesikhulumeli seMDC ekhokhelwa nguMnu Morgan Tsvangirai uMnu Joel Gabuza, yena othe sebemelele uZuma ukuthi aphenduke eHarare.
UMongameli Zuma ubeselizweni ngenyanga edluleyo emizameni yokuxazulula udaba lwesisekelo lolu lokunye okuhluphayo kuhulumende kodwa wabuyela eSouth Africa elengise izandla.
