Ikhomidi ehlolisisa isisekelo sombuso webandla leMDC elikhokhelwa nguMnu. Morgan Tsvangirai ithi isiqedile ukuthatha imibono kazulu phezu kwelakusa laleli bandla.
Ikhomithi le ekhokhelwa yiziphathamandla zebandla leli anjengomsekeli kamgcinisihlalo uMnu. Morgen Komichi, ithi imibono le isizadluliselwa kumadale ephezulu ebandla leli.
Iziphathamandla zebandla leli kazizange zikhululeke ngokutshela uzulu okwamanje ngokufunwa ngabalandeli balo. Inengi labantu likhonona ngokuthi uTsvangirai ufuna ukuthatha amandla wonke kanobhala jikelele okuzakwenza ukuthi abe lamandla edlulisa amalawulo acine esiba nguntando kayiphikiswa njengomongameli robert Mugabe.
Owaye ngunobhala jikelele kubandla leli, uMnu. Tendai Biti sowaxexebuka lehlekane lakhe babumba elinye icele leMDC ilibizwa ngokuthi MDC Renewal Team bekhala ngokuthi uTsvangirai ubusa ngodlame.
Ukuze sihlaziye udaba lolu uGibbs Dube weStudio 7 uxoxe loMnu. Mmeli Dube ingwethi kwezombusazwe okunhlanganiso yeBulawayo Agenda.