WASHINGTON DC —
Ibandla leMDC elikhokhelwa nguMnu Welshman Ncube selilandule imbiko yokuthi lilakho ukuxotsha unobhala jikelele walo uNkosikazi Priscillar Misihairambwi Mushonga.
Umsakazo weZBC uthi iziphathamandla zalelibandla zethesa uNkosikazi Mushonga umlandu wokungethembeki, ukwenza izinqumo ezimqoka eyedwa, ukweyisa abanye bakhe kanye lokuzigqaja.
Lumsakazo uthi lelibandla lilakho ukudbuka phakathi yiloba nini. lengeze lathi loMnu Ncube laye usekela umcabango wokuxotshwa kukaMushonga.
Kodwa isikhulumeli seMDC uMnu Nhlanhla Dube uyilandule limbiko esithi ingamanga akhitshwa yiZBC ngenjongo yokungcolisa ibandla lakhe.
UDube usole njalo ibandla leZanu PF esithi yilo elingaba liqale alimbiko. Uthi lelibandla lethuswa lusekelo olukhulu uncube alutholayo endaweni ezinengi zelizwe, okugoqela lakubasekeli beZanu PF.
IStudio 7 kayenelisanga ukukhuluma loNkosikasi Mushonga ngaloludaba. Kodwa umsekeli wakhe uMnu Moses Mzila Ndlovu laye uyilandule limbiko.
Umsakazo weZBC uthi iziphathamandla zalelibandla zethesa uNkosikazi Mushonga umlandu wokungethembeki, ukwenza izinqumo ezimqoka eyedwa, ukweyisa abanye bakhe kanye lokuzigqaja.
Lumsakazo uthi lelibandla lilakho ukudbuka phakathi yiloba nini. lengeze lathi loMnu Ncube laye usekela umcabango wokuxotshwa kukaMushonga.
Kodwa isikhulumeli seMDC uMnu Nhlanhla Dube uyilandule limbiko esithi ingamanga akhitshwa yiZBC ngenjongo yokungcolisa ibandla lakhe.
UDube usole njalo ibandla leZanu PF esithi yilo elingaba liqale alimbiko. Uthi lelibandla lethuswa lusekelo olukhulu uncube alutholayo endaweni ezinengi zelizwe, okugoqela lakubasekeli beZanu PF.
IStudio 7 kayenelisanga ukukhuluma loNkosikasi Mushonga ngaloludaba. Kodwa umsekeli wakhe uMnu Moses Mzila Ndlovu laye uyilandule limbiko.