Ibandla leMDC-T elikhokhelwa nguMnu. Douglas Mwonzora, lithi selixotshe uNkosazana Thokozani Khupe labasekeli bakhe.
UMnu. Witness Dube, obona ngokwethulwa kwemibiko kubandla leli uthi uMakhupe wephule isisekelo sombuso webandla leli ngokutshela uzulu ukuba usexotshe uMwonzora, owabikela iZimbabwe Electoral Commission ukuba usekhokhela umanyano weMDC Alliance.
UMaKhupe wamiswa ukudlelana lebandla leli esetheswa amacala amanengi, agoqela ukudelela inkokheli yebandla leli.
Wathi esanda kuxotshwa wethula umbiko othi osezixotshise kubandala leMDC-T nguMwonzora, owayesengene kuMDC Alliance, eyake yakhokhelwa nguMnu. Nelson Chamisa. UDube uthi kunengi kakhulu okwenze ukuba iNational Council ithathe isinqumo sokuxotsha uMaKhuphe.
Kodwa uMnu. Ntando Ndlovu, umcebisi kaNkosazana Thokozani Khupe, uthi uMwonzora labanye bakhe kababuzanga elangeni.