WASHINGTON —
Kuqhamuke udlakela ngoLwesithathu emhlanganweni weMberengwa West lapho uMnu. Jorum Gumbo webandla le ZANU PF azancintisana lomnawakhe uMnu. Tinashe Gumbo wecele le MDC elikhokhelwa nguMnu. Morgan Tsvangirai ukumela lesisigaba edale lephalamende kukhetho oluzayo.
UMnu. Tinashe Gumbo utshele iStudio 7 ukuthi umnewabo uJorum, yena obemele lesisigaba okweminyaka elitshumi lasitshiyangalombili edluleyo, umethusele wamfuqa, emvimbela ukukhuluma kulumhlangano, wasemangalela emapholiseni akulesosigaba.
Kodwa uMnu. Jorum Gumbo uyilandule limbiko esithi nguye obeqoqe lumhlangano wokuhlangana labasekeli bebandla lakhe, wasebiza induna. Uthi yena uthe eqeda ukukhuluma embuthanweni lo umnawakhe uTinashe wasesithi ufuna laye ukuphiwa ithuba lokukhuluma, uthe selincitshiwe lelo thuba kulapho aqale ukungamhloniphi njalo yena uthi bekungafanelanga abe kona embuthanweni lo.
UMnu. Tinashe Gumbo utshele iStudio 7 ukuthi umnewabo uJorum, yena obemele lesisigaba okweminyaka elitshumi lasitshiyangalombili edluleyo, umethusele wamfuqa, emvimbela ukukhuluma kulumhlangano, wasemangalela emapholiseni akulesosigaba.
Kodwa uMnu. Jorum Gumbo uyilandule limbiko esithi nguye obeqoqe lumhlangano wokuhlangana labasekeli bebandla lakhe, wasebiza induna. Uthi yena uthe eqeda ukukhuluma embuthanweni lo umnawakhe uTinashe wasesithi ufuna laye ukuphiwa ithuba lokukhuluma, uthe selincitshiwe lelo thuba kulapho aqale ukungamhloniphi njalo yena uthi bekungafanelanga abe kona embuthanweni lo.