WASHINGTON —
Ibandla le MDC elikhokhelwa nguMnu. Morgan Tsvangirai lithi lisadingisisa ukuthi kungani amanye amakhansila alelibandla eVictoria Falls, Redcliff le Kwekwe evotele amalunga ebandla le ZANU PF ukuthi abe ngomayor kulokuthi bakhethe omunye wabo ku MDC-T.
Lanxa amavoti abeyimfihlo, kube sobala ukuthi amalunga ebandla le ZANU PF avotelwe ngamakhansila eMDC-T ngoba kuyiwo alamalunga amanengi kulawebandla elibusayo kulezondawo.
Edolobheni le Victoria Falls, okhansila be MDC-T bayisithupha, abe ZANU PF bane kuphela, kodwa uMnu. Sifiso Mpofu webandla elibusayo nguye onqobe uNkosikazi Margaret Valley ngamavoti amabili.
Abakhulume le Studio 7 bathi uNkosikazi Valley, ongusomabhizimusi eVictoria Falls ubekwe esikhundleni yinkokheli yalelibandla amanye amakhansila e MDC-T engafuni.
Kodwa uMnu. Joel Gabhuza, umsekeli wesikhulumi se MDC-T utshele uSithandekile Mhlanga weStudio 7 ukuthi ibandla lakhe licabangela ukuthi i ZANU PF ilesandla kumpumela yokhetho lwabo mayor kubomanisipala abathathu laba.
Lanxa amavoti abeyimfihlo, kube sobala ukuthi amalunga ebandla le ZANU PF avotelwe ngamakhansila eMDC-T ngoba kuyiwo alamalunga amanengi kulawebandla elibusayo kulezondawo.
Edolobheni le Victoria Falls, okhansila be MDC-T bayisithupha, abe ZANU PF bane kuphela, kodwa uMnu. Sifiso Mpofu webandla elibusayo nguye onqobe uNkosikazi Margaret Valley ngamavoti amabili.
Abakhulume le Studio 7 bathi uNkosikazi Valley, ongusomabhizimusi eVictoria Falls ubekwe esikhundleni yinkokheli yalelibandla amanye amakhansila e MDC-T engafuni.
Kodwa uMnu. Joel Gabhuza, umsekeli wesikhulumi se MDC-T utshele uSithandekile Mhlanga weStudio 7 ukuthi ibandla lakhe licabangela ukuthi i ZANU PF ilesandla kumpumela yokhetho lwabo mayor kubomanisipala abathathu laba.
