WASHINGTON —
Idale le politburo yebandla le ZANU PF lithi seliphe inhlonipho yesizwe umuyi uMnu. Jevan Maseko owake waba ngusibalukhulu we Matabeleland North obhubhe ngoMvulo koBulawayo.
UMaseko obeleminyaka engamatshumi ayisikhombisa yokuzalwa ubhubhele esibhedlela se Mater Dei ngemva kokulwisana lemikhuhlane embalwa egoqela imvukuzane kanye lowetshukela. Umuyi uzabekwa emathuneni okulele amaqhawe esizwe eNational Heroes Acre eHarare ngeSonto.
Akwaziwa ukuba uMongameli Robert Mugabe uzakwelenelisa na ukuba khona emngcwabeni njengoba ekhangelelwe njalo ukuya emkhosini wokufikisa iminyaka engamatshumi amahlanu inhlanganiso yomanyano wamazwe abensundu eye African Union yabunjwayo owenzelwa eAddis Ababa kwele Ethiopia ngeSonto mhlaka 25 Nkwenkwezi.
UMnu. Rugare Gumbo, isikhulumi sebandla leZANU PF utshele iStudio 7 ukuthi idale lePolitburo liphinde lahlafuna okutshiyeneyo okugoqela lamalungeselelo alelibandla owokhetho oluzayo.
Kusenjalo, uMnu. George Mkhwananzi ingcwethi ecububungula ezombusazwe ugcizelele insolo yabanengi eyokuthi lanxa umuyi uMaseko imfanele inhlonipho yokuba liqhawe lesizwe akufanelanga ukuthi ibandla le ZANU PF kube yilo lodwa elithatha lesi isinqumo.
Umuyi uMnu. Maseko ukhangelelwe ukubekwa ngeNsonto ezayo emathuneni eHeroes Acre eHarare.
UMaseko obeleminyaka engamatshumi ayisikhombisa yokuzalwa ubhubhele esibhedlela se Mater Dei ngemva kokulwisana lemikhuhlane embalwa egoqela imvukuzane kanye lowetshukela. Umuyi uzabekwa emathuneni okulele amaqhawe esizwe eNational Heroes Acre eHarare ngeSonto.
Akwaziwa ukuba uMongameli Robert Mugabe uzakwelenelisa na ukuba khona emngcwabeni njengoba ekhangelelwe njalo ukuya emkhosini wokufikisa iminyaka engamatshumi amahlanu inhlanganiso yomanyano wamazwe abensundu eye African Union yabunjwayo owenzelwa eAddis Ababa kwele Ethiopia ngeSonto mhlaka 25 Nkwenkwezi.
UMnu. Rugare Gumbo, isikhulumi sebandla leZANU PF utshele iStudio 7 ukuthi idale lePolitburo liphinde lahlafuna okutshiyeneyo okugoqela lamalungeselelo alelibandla owokhetho oluzayo.
Kusenjalo, uMnu. George Mkhwananzi ingcwethi ecububungula ezombusazwe ugcizelele insolo yabanengi eyokuthi lanxa umuyi uMaseko imfanele inhlonipho yokuba liqhawe lesizwe akufanelanga ukuthi ibandla le ZANU PF kube yilo lodwa elithatha lesi isinqumo.
Umuyi uMnu. Maseko ukhangelelwe ukubekwa ngeNsonto ezayo emathuneni eHeroes Acre eHarare.