HARARE —
Abasesipholiseni bayayilandula imibiko ethi ukhetho lweSpecial Vote kaluyikuqhutshwa ngendlela ngoba wona ebanjwa ngamandla zinkokheli ukuvotela amabandla athize bethi uhlelo lolu luzaqhutshwa ngendlela ukhetho oluqhutshwa ngalo.
Lokhu kuvezwe ngu Assistant Commissioner Andrew Phiri emhlanganweni ophezu kokhetho owenzelwe eHarare ngabenhlanganiso ye Southern Africa Research Documentation Centre bemanyene leye Sadc.
UPhiri uthi ukhetho lwe “Special Voting ” lwalonyaka lwehlukile kulalolo obelusenziwa ngabasesipholiseni kuminyaka edlule, ngoba luzakwenziwa kulandelwa imithetho yonke ephezu kokhetho lapho uzulu wonke azavotela khona hatshi ezinkambeni njalo bezavota nsitha.
Uthi lokhu kutsho ukuba lanxa abasesipholiseni labakubutho bengavota ngalezo nsuku kuvotwa ku “Special Voting ”, ama ballot papers azavulwa abalwe ndawonye lakazulu wonke ekugqitshweni kokuvhota mhla ka 31 kuyonale inyanga.
UPhiri uveze ukuba kunzima ukulondoloza uhlobo lwendaba ze “Social Media” okufana le Facebook page ka “ Baba Jukwa ” ngaphandle kokuba ekhona onganikeza ubufakazi balokho okuyabe kukhulunywe ngakho.
Okuvezwe ngamapholisa lokhu kuza ngesikhathi abamanye amabandla okubalisa ele MDC ekhokhelwa nguMnumzana Morgan Tsvangirayi bekhalaza phezu kokuqonga kwenani labasesipholiseni elicele ukuba livunyelwe ukuvota ngaphansi kwe “Special vote. ”
Ngakolunye udaba njalo lwezokhetho, ozancintisa emzini we Budiriro eHarare kukhetho lokudinga amalunga edale lephalamende, emele ibandla le MDC-T, uMnumzana Costa Machingauta lokhe esemapholiseni.
UMachingauta ubotshwe esetheswa umlandu wokutshotshozela udlakela amapholisa ethi utshaye omama be Zanu PF emavinkilini ako “Current ” emzini we Budiriro ngoLwesibili.
Amalunga angomama ebandleni le MDC-T ngaphansi kuka Ward 43 bathi baphazanyiswe ngamalunga e Zanu PF ebavimbela ukuhlabela ngesikhathi bephatheke kuhlelo lokunamathisela amabhakana alemifanekiso lozancintisa kukhetho lukamongameli kanye lolwamalunga edale le phalamende.
Omama laba babeka umlandu elinye lamalunga eZanu PF uMnumzana Simbarashe Godwin Gomwe bethi nguye obekhokhela leliqembu elibangele udlakela.
Igqwetha lika Machingauta, uMandevere utshele intathelizindaba ukuba lukhangelelwe ukumiswa phambi komthethwandaba ngodaba lolu ngoLwesihlanu.
Lokhu kuvezwe ngu Assistant Commissioner Andrew Phiri emhlanganweni ophezu kokhetho owenzelwe eHarare ngabenhlanganiso ye Southern Africa Research Documentation Centre bemanyene leye Sadc.
UPhiri uthi ukhetho lwe “Special Voting ” lwalonyaka lwehlukile kulalolo obelusenziwa ngabasesipholiseni kuminyaka edlule, ngoba luzakwenziwa kulandelwa imithetho yonke ephezu kokhetho lapho uzulu wonke azavotela khona hatshi ezinkambeni njalo bezavota nsitha.
Uthi lokhu kutsho ukuba lanxa abasesipholiseni labakubutho bengavota ngalezo nsuku kuvotwa ku “Special Voting ”, ama ballot papers azavulwa abalwe ndawonye lakazulu wonke ekugqitshweni kokuvhota mhla ka 31 kuyonale inyanga.
UPhiri uveze ukuba kunzima ukulondoloza uhlobo lwendaba ze “Social Media” okufana le Facebook page ka “ Baba Jukwa ” ngaphandle kokuba ekhona onganikeza ubufakazi balokho okuyabe kukhulunywe ngakho.
Okuvezwe ngamapholisa lokhu kuza ngesikhathi abamanye amabandla okubalisa ele MDC ekhokhelwa nguMnumzana Morgan Tsvangirayi bekhalaza phezu kokuqonga kwenani labasesipholiseni elicele ukuba livunyelwe ukuvota ngaphansi kwe “Special vote. ”
Ngakolunye udaba njalo lwezokhetho, ozancintisa emzini we Budiriro eHarare kukhetho lokudinga amalunga edale lephalamende, emele ibandla le MDC-T, uMnumzana Costa Machingauta lokhe esemapholiseni.
UMachingauta ubotshwe esetheswa umlandu wokutshotshozela udlakela amapholisa ethi utshaye omama be Zanu PF emavinkilini ako “Current ” emzini we Budiriro ngoLwesibili.
Amalunga angomama ebandleni le MDC-T ngaphansi kuka Ward 43 bathi baphazanyiswe ngamalunga e Zanu PF ebavimbela ukuhlabela ngesikhathi bephatheke kuhlelo lokunamathisela amabhakana alemifanekiso lozancintisa kukhetho lukamongameli kanye lolwamalunga edale le phalamende.
Omama laba babeka umlandu elinye lamalunga eZanu PF uMnumzana Simbarashe Godwin Gomwe bethi nguye obekhokhela leliqembu elibangele udlakela.
Igqwetha lika Machingauta, uMandevere utshele intathelizindaba ukuba lukhangelelwe ukumiswa phambi komthethwandaba ngodaba lolu ngoLwesihlanu.