Abantu abanengi enkundleni zokuxhumana bathukuthele kulandela okwenziwa nguMnu. George Guvamatanga, umabhalane omkhulu wohlangothi lukahulumende olubonga ngezimali zelizwe, uphume kumabonakude esithi uzanika obecula ngesikhathi ethakazelela usuku lwakhe lokuzalwa imali enengi okwamagama.
Kubikwa ukuba unikwe imali enengi yokuyabukela iqembu lenguqu alithakazelelayo eleArsenal eBhilithane.
UGuvamatanga utshele iphephandaba leThe Standard ukuba wenze idili elikhulu ngoba ulemali enengi njalo inkomo zidlana uboya epulazini lakhe. Uthi kuqondile ukuba azikholisele loba ilizwe libhekane lokusilele kwemali lokunye.
Abanye abantu ebulenjini bokuxhumana bathi kumele atshiye umsebenzi ngoba wenze okuyangise eleZimbabwe elilabantu abathwele amagabha avuzayo ngenxa yomnotho ongathuthuki kahle.