WASHINGTON DC —
Udaba olukhwezwe nguMnu Morgan Tsvangirai emthethwandaba waphezulu oweHigh Court lokuthi lelidale libambe ikomishini yezokhetho ngamandla ukuthi imuphe amaphepha aphathelane lokhetho olusanda kwedlula luzahluzwa ngoLwesithathu.
UTsvangirai ufuna iZimbabwe Electoral Commission (ZEC) imuphe ama-spoilt ballot papers, iveze lokuthi bangaki abancediswayo ukuvota kanye lokuthi bangaki abantu abehluleka ukuvota ngezizatho ezitshiyeneyo.
Uthi konke lokhu ukudingela ukuthi kubeyibufakazi kudaba lwakhe olumqoka lapho aphikisa khona ukunqotshwa kwakhe nguMongameli Mugabe kukhetho lokudinga umongameli welizwe.
Ababencintisa kukhetho lukaMongameli nguMugabe, uTsvangirai, uMnu Welshman Ncube loMnu Dumiso Dabengwa.
Inengi lithi kwabalokudlelezela kulolukhethi, kodwa ubufakazi bokuqilibezela lokhu isayimpicabadala.
Igqwetha uMnu Matshobana Ncube utshele iStudio 7 ukuthi ubona umthethwandaba uvuma ukuthi iZec kumele iphe uMnu Tsvangirai ubufakazi abufunayo.
"Angiboni kulesizatho esingenza idale leHigh Court lingavumelani lesicelo sikaTsvangirai," kutsho uMnu Ncube.
"Kodwa udaba olukhulu ngolokuthi lanxa engaze awaphiwe lawomaphepha, uzabuthola yini ubufakazi bokuqilibezela abudingayo."
UTsvangirai ufuna iZimbabwe Electoral Commission (ZEC) imuphe ama-spoilt ballot papers, iveze lokuthi bangaki abancediswayo ukuvota kanye lokuthi bangaki abantu abehluleka ukuvota ngezizatho ezitshiyeneyo.
Uthi konke lokhu ukudingela ukuthi kubeyibufakazi kudaba lwakhe olumqoka lapho aphikisa khona ukunqotshwa kwakhe nguMongameli Mugabe kukhetho lokudinga umongameli welizwe.
Ababencintisa kukhetho lukaMongameli nguMugabe, uTsvangirai, uMnu Welshman Ncube loMnu Dumiso Dabengwa.
Inengi lithi kwabalokudlelezela kulolukhethi, kodwa ubufakazi bokuqilibezela lokhu isayimpicabadala.
Igqwetha uMnu Matshobana Ncube utshele iStudio 7 ukuthi ubona umthethwandaba uvuma ukuthi iZec kumele iphe uMnu Tsvangirai ubufakazi abufunayo.
"Angiboni kulesizatho esingenza idale leHigh Court lingavumelani lesicelo sikaTsvangirai," kutsho uMnu Ncube.
"Kodwa udaba olukhulu ngolokuthi lanxa engaze awaphiwe lawomaphepha, uzabuthola yini ubufakazi bokuqilibezela abudingayo."