WASHINGTON —
Uhlelo lokubhalisela ukuvota olwenyanga yonke olwenziwa ngemva kokwamukelwa kesisekelo sombuso esitsha olwe 30-day Voter Registration oluqalise ngoMvulo mhlaka 10 Nhlangula lungene kulanga lesibili ngoLwesibili inengi likhonona ngokuswelakala kwezisebenzi zemahofisini kaRegistrar General kwezinye izigaba zelizwe.
Abaphila lobugoga endaweni ezinengi zelizwe okugoqela ezesigabeni seManicaland bebekhonona kakubi ngemango emide okumele bayihambe ukuze bafinyelele endaweni lapho okubhaliswa khona abantu. Phezu kwalokho bathi sebefika lapho vele sebediniwe, izisebenzi zakhona zibikwa zingawukhuthalelanga kangako umsebenzi ngoba kuthatha isikhathi eside ukubhalisa umuntu oyedwa. Ngokuphuza okwenza lezi zisebenzi inengi selisesabela ukuthi laleyo nyanga okuthiwe libhalise kayisoze yenele.
Abalaleli abalobele iStudio 7 bathi kwezinye indawo bekulendwendwe ezinde okwamagama, kukanti kwezinye izisebenzi ziziphuzele lokufika endaweni ezisebenzela khona okwenze zaphuza ukuqalisa umsebenzi.
Ukuze sizwe okunengi ngokwenzakale ngelanga lesibili lohlelo lokubhalisa abantu ukuthi bathole ilungelo lokuvota kukhetho oluzayo, uSithandekile Mhlanga weStudio 7 uxoxe loMnu. Ambrose Sibindi, isiphathamandla senhlanganiso elwela amalungelo ezakhamizi eye Bulawayo Progressive Residents Association, yena othi lanxa uhlelo lolu lulengxaki ezithile, luqhubeka ngendlela engcono nxa luqathaniswa lolusanda kugqitshwa.
Abaphila lobugoga endaweni ezinengi zelizwe okugoqela ezesigabeni seManicaland bebekhonona kakubi ngemango emide okumele bayihambe ukuze bafinyelele endaweni lapho okubhaliswa khona abantu. Phezu kwalokho bathi sebefika lapho vele sebediniwe, izisebenzi zakhona zibikwa zingawukhuthalelanga kangako umsebenzi ngoba kuthatha isikhathi eside ukubhalisa umuntu oyedwa. Ngokuphuza okwenza lezi zisebenzi inengi selisesabela ukuthi laleyo nyanga okuthiwe libhalise kayisoze yenele.
Abalaleli abalobele iStudio 7 bathi kwezinye indawo bekulendwendwe ezinde okwamagama, kukanti kwezinye izisebenzi ziziphuzele lokufika endaweni ezisebenzela khona okwenze zaphuza ukuqalisa umsebenzi.
Ukuze sizwe okunengi ngokwenzakale ngelanga lesibili lohlelo lokubhalisa abantu ukuthi bathole ilungelo lokuvota kukhetho oluzayo, uSithandekile Mhlanga weStudio 7 uxoxe loMnu. Ambrose Sibindi, isiphathamandla senhlanganiso elwela amalungelo ezakhamizi eye Bulawayo Progressive Residents Association, yena othi lanxa uhlelo lolu lulengxaki ezithile, luqhubeka ngendlela engcono nxa luqathaniswa lolusanda kugqitshwa.
