Sebengamatshumi amathathu lane abantu abalomkhuhlane weCoronavirus COVID-19 eZimbabwe.
Uhulumende usanda kwehlisa inani labantu abalomkhuhlane lo kulandela umbiko owethulwe luhlangothi lwezempilakahle ngoLwesihlanu oluveze ukuba sokulabantu abangamatshumi amane abale CPVOD-19.Uhulumende uthi uhlangothi lolu lwenze iphutha ngokwethulela uzulu inani leli.
Abane babulawa ngumkhuhlane lo eZimbabwe kwathi njalo abahlanu basila.
Isibhedlela seJohns Hopkins University sithi emhlabeni wonke jikelele kulabantu abedlula izigidi ezintathu – 3,448,000 asebegule umkhuhlane lo. Phakathi kwabantu laba, kulabafika phose inkulungwane ezingamakhulu amabili lengxenye – 244,000 ababulawa yiCOVID19.
Kwele Zimbabwe, uhulumende usanda kwengeza insuku zohlelo lokuvalelwa ezindlini. Izikolo zizaqhubekela phambili zivaliwe kuthi amabhizimusi azavulwa kulandelwa iziqondiso zokuvimba ukumemetheka komkhuhlane weCoronavirus.
Umsekeli kamphathintambo wezemfundo, uMnu. Edgar Moyo, uthi sokulungiselelwa ukufundiswa kwabantwana kusetshenziswa imisakazo.
Kusenjalo, kulabanye abantu asebephathisa izigaba ekuvimbeni ukumemetheka komkhuhlane weCOVID-19.
