JOHANNESBURG —
KuWoza Friday liviki sileqembu elitsha elisanda kubunjwa emculweni kaMaskandi ele Nsukamini. Leliqembu elizalwa liqembu elaMabhukudwana lalo elicula oMaskandi seliledlalade elitsha elithiwa “Iqhawe lakoMhlahlandela.
Leliqembu libunjwe zinsizwa ezidabuka endaweni yaseMarinoha, eKezi esabelweni sezansi yezwekazi leMandebeleni.
Bonke abaculu baleli qembu ababalisa uJunior Ngwenya, Phanankosi Masaka Ngwenya, Chris Ncube lo Bheki Ngwenya, bakhule behlabela umculo weMbube. Lokhuke bathi yikho okwenze kwaba lula ukuthi babezintshantshu emculweni kaMaskandi ngenxa yokudlelana kwemidumo yomibili.
Ilunga leliliqembu uChristopher Ncube ozibiza Igeza Langempela Ubuqili Bentethe, uthi iNsukamini lizibulo elisanda kuzalwa liqembu leMabhukudwana.
UChristopher uthi njengoba iNsukamini bekungelinye lamabutho kaLobhengula ayethenjiwe, labonke njengeqembu sebehwatshe inkunzi malanga yedlalade elithi ‘Iqhawe lakoMhlahlandlela”. Lelidlalade lilengoma ezilitshumi lambili kantike zonke zigxile kuzehlakalo zesintu saMandebele. Zikhonake lezothando kugoqela lale eyesibili ethi “Kungani Ungasangithandi Ntombi Yami”.
Omunye njalo wabaculi baleli qembu uBhekumuzi Nngwenya, uthi isifiso sabo njengeqembu ngesokuthi bakhule babe liqembu elidumileyo kwezaboMaskandi.
Lezi insizwa zikhuthaza abantu besintwini ukuthi bazigqaje ngesintu sabo hatshi uhuhahabela ingoma lamasiko abanye.
Bakhuthaza njalo ukuthi kuxhaswe abaculi ngokuthenga izingoma zabo uqobo hatshi lezi ezithengiswa emikhambo yemikotweni.
Bathike lumculo wabo unambitha kwabadala labancane kantike okusemqoka yikuthi ngowesintu sakho njalo uculwa ngolimi lwakho.
Leliqembu libunjwe zinsizwa ezidabuka endaweni yaseMarinoha, eKezi esabelweni sezansi yezwekazi leMandebeleni.
Bonke abaculu baleli qembu ababalisa uJunior Ngwenya, Phanankosi Masaka Ngwenya, Chris Ncube lo Bheki Ngwenya, bakhule behlabela umculo weMbube. Lokhuke bathi yikho okwenze kwaba lula ukuthi babezintshantshu emculweni kaMaskandi ngenxa yokudlelana kwemidumo yomibili.
Ilunga leliliqembu uChristopher Ncube ozibiza Igeza Langempela Ubuqili Bentethe, uthi iNsukamini lizibulo elisanda kuzalwa liqembu leMabhukudwana.
UChristopher uthi njengoba iNsukamini bekungelinye lamabutho kaLobhengula ayethenjiwe, labonke njengeqembu sebehwatshe inkunzi malanga yedlalade elithi ‘Iqhawe lakoMhlahlandlela”. Lelidlalade lilengoma ezilitshumi lambili kantike zonke zigxile kuzehlakalo zesintu saMandebele. Zikhonake lezothando kugoqela lale eyesibili ethi “Kungani Ungasangithandi Ntombi Yami”.
Omunye njalo wabaculi baleli qembu uBhekumuzi Nngwenya, uthi isifiso sabo njengeqembu ngesokuthi bakhule babe liqembu elidumileyo kwezaboMaskandi.
Lezi insizwa zikhuthaza abantu besintwini ukuthi bazigqaje ngesintu sabo hatshi uhuhahabela ingoma lamasiko abanye.
Bakhuthaza njalo ukuthi kuxhaswe abaculi ngokuthenga izingoma zabo uqobo hatshi lezi ezithengiswa emikhambo yemikotweni.
Bathike lumculo wabo unambitha kwabadala labancane kantike okusemqoka yikuthi ngowesintu sakho njalo uculwa ngolimi lwakho.