Liviki kuhlelo lwethu Liphuma Lendaba Litshona Lendaba sixoxa loMnu. Ezra Tshisa Sibanda ingcwethi ecubungula ezemidlalo sihlaziya udaba lokuthi umphathintambo wezabelo, uMnumzana Savior Kasukuwere uthi omanisipala sekumele batshiye ukuba lamaqembu emidlalo yenguqu.
Umanisipala weHarare kunye lowe Harare balamaqembu asedlala kusigaba sePremier Soccer League. Ko Bulawayo iqembu likamanisipala lona lingene kuwonalumnyaka.
USibanda uthi: "Abantu bayazilibazisa beziduduza ngemidlalo yonale ngempelasonto mavinki wonke. Nxa imali ikhona eye Budget yokupha abadlali kuyabe kulungile."
Wengezelele esithi okumele kwenziwe nguhulumende yikuthi angabi lengatsha labaphathintambo abanengi abayibo abasebenzisa imali enengi kakhulu njalo ezinye ingatsha azikhanyi ukuthi zilomsebenzi.
USibanda uthi ukungabi lemigwaqo elungileyo kumbe okunye okutshiwo ngu Kasukuwere ukuthi kumele kwenziwe ngemali yamaqembu kubangelwa yikuthi ilizwe kalilamali hatshi ukuba lamaqembu enguqu.
"Sikhangele ke omanisipala abafana leKwekwe kumbe owe Gweru okungelaqembu lenguqu, kuyalungiswa na imigwaqo kumbe konke lokho okutshiwo nguKasukuwere?"
Uthi uSibanda uKasukuwere kumele engangeneli ekuqutshweni komsebenzi wabomanisipala.
Ephendula umbuzo wokuthi ubona ezaphumelele na uKasukuwere ezifisweni zakhe uSibanda uthi: "Kungani engalandanga oBlack Rhinos abamasotsha, oChapungu kumbe oHwahwa?
