Kumbiko wamaviki wonke owethulwa luhlangathi lwezempikakahle ezimbabwe, oweWeekly Disease Surveillance Report, kuvezwa ukuba kulabantu abayisithupha ababulawa ngumkhuhlane wohudo eHarare ekupheleni kuka Lwezi labanye ababhubha eMashonaland Central leNkabazwe.
Uhlangothi lolu lubika njalo ukuba phakathi kwabantu ababanjwa ngumkhuhlane lo abedlula kancane inkulungwane ezintathu lengxenye ngabantwana abaleminyaka ephansi kweyisithupha yokuzalwa.
Kusukela ngoNhlolanja lonyaka abantu ababanjwe ngumkhuhlane lo sebezinkulungwane ezedlula inkulungwane ezingamakhulu amathathu – 336,534.
Kwabhubha abangamakhulu amabili lamatshumi amane lantathu – 243.
Ukuze sizwe okunengi ngomkhuhlane lo, sixhume uDokotela Maphios Siamuchembu, ophethe uhlangothi lukahulumende kwezempilakahle koBulawayo, othi akumelanga abantu bexhawulane njalo besebenzisa amanzi angahlambulukanga.
UDokotela Siamuchembu uthi kuqakathekile ukuba abantu benathe amanzi abilisiweyo ukuze bengathaphi igciwane lohudo.
Forum