BULAWAYO —
Kwezemidlalo liviki intathelizindaba yethu yezemidlalo uJoseph Njanji usethulela ingxoxo ayenze lomqeqetshi wabonozinti beqembu le Highlanders uTembo Chuma.
UTembo Chuma yisizalwane se Binga njalo uqale ukudlala ibhola esedolobheni le Hwange edlalela iqembu labasakhulayo ele Hwange Football Club ngesikhathi efunda khona esikolo se Hwange Secondary.
UChuma akazange alithole ithuba lokudlala kuqembu le Hwange njengoba umqeqetshi obephethe kulezonsuku uPaul Moyo ubengakholelwa kuye ethi ngoba umfitshane kakhulu ukuba ngunozinti.
Ekusukeni kwakhe eHwange uChuma uzule lelizwe edinga iqembu lokudlalela njalo loluhambo lumfikise eKadoma le Chegutu kodwa akazange alithole iqembu lokudlalela wasesiza koBulawayo lapho afike wadlalela iqembu le Kango ebelidlala kusigaba se Southern Region Division One. Lumdlali udlalele iqembu le Kango kusukela ngomnyaka ka 1993 kwaze kwaba ngumnyaka ka 1997.
Ekusukeni kwakhe ku Kango uChuma ubuyele eHwange kodwa akalitholanga ithuba lokudlala ngaphansi kwabaqeqetshi abathi u Luke Masomere kanye lo Jones Chilenga wasesiyazama inhlanhla esigodlweni iHarare.
Esigodlweni uChuma udinge umsebenzi kuqembu le Air Zimbabwe Jets kodwa akusahambanga njengokufisa kwakhe wasesiya dinga kuqembu le Black Rhinos lona ebelimfuna ukuba alibambele kodwa abangakibo bamalela ukuba aqhatshwe kubutho abelisotsha.
Ngemva kwalokho uChuma ubhekise amabombo edolobheni le Masvingo ngo 1999 lapho afike waba ngunozinti weqembu le Masvingo United okweminyaka eminengi waze wacina esiba ngumqeqetshi walo ekutshiyeni kwakhe ukudlala.
UChuma uthi abantu be Masvingo balokhu bemkhumbula ukuba nguye ongenise iqembu le Masvingo United kusigaba saphezulu ese Premier Soccer League ngomnyaka ka 2011 njalo balokhu bemncenga ukuba aphenduke kodwa yena uthi uyasuthiseka ngokusebenza kwakhe kuqembu le Highlanders lapho asebenza ndawonye lo Kelvin Kaindu kanye lo Bekithemba Ndlovu.
UTembo Chuma yisizalwane se Binga njalo uqale ukudlala ibhola esedolobheni le Hwange edlalela iqembu labasakhulayo ele Hwange Football Club ngesikhathi efunda khona esikolo se Hwange Secondary.
UChuma akazange alithole ithuba lokudlala kuqembu le Hwange njengoba umqeqetshi obephethe kulezonsuku uPaul Moyo ubengakholelwa kuye ethi ngoba umfitshane kakhulu ukuba ngunozinti.
Ekusukeni kwakhe eHwange uChuma uzule lelizwe edinga iqembu lokudlalela njalo loluhambo lumfikise eKadoma le Chegutu kodwa akazange alithole iqembu lokudlalela wasesiza koBulawayo lapho afike wadlalela iqembu le Kango ebelidlala kusigaba se Southern Region Division One. Lumdlali udlalele iqembu le Kango kusukela ngomnyaka ka 1993 kwaze kwaba ngumnyaka ka 1997.
Ekusukeni kwakhe ku Kango uChuma ubuyele eHwange kodwa akalitholanga ithuba lokudlala ngaphansi kwabaqeqetshi abathi u Luke Masomere kanye lo Jones Chilenga wasesiyazama inhlanhla esigodlweni iHarare.
Esigodlweni uChuma udinge umsebenzi kuqembu le Air Zimbabwe Jets kodwa akusahambanga njengokufisa kwakhe wasesiya dinga kuqembu le Black Rhinos lona ebelimfuna ukuba alibambele kodwa abangakibo bamalela ukuba aqhatshwe kubutho abelisotsha.
Ngemva kwalokho uChuma ubhekise amabombo edolobheni le Masvingo ngo 1999 lapho afike waba ngunozinti weqembu le Masvingo United okweminyaka eminengi waze wacina esiba ngumqeqetshi walo ekutshiyeni kwakhe ukudlala.
UChuma uthi abantu be Masvingo balokhu bemkhumbula ukuba nguye ongenise iqembu le Masvingo United kusigaba saphezulu ese Premier Soccer League ngomnyaka ka 2011 njalo balokhu bemncenga ukuba aphenduke kodwa yena uthi uyasuthiseka ngokusebenza kwakhe kuqembu le Highlanders lapho asebenza ndawonye lo Kelvin Kaindu kanye lo Bekithemba Ndlovu.
