BULAWAYO —
Kwezemidlalo liviki intathelizindaba yethu uJoseph Njanji usiphakela ingxonxo ayenze lowake waba ngunozinti weqembu legunqu ele Hwange uAnthony Nakamba yena owakhalala ukudlala umdlalo wenguqu ngemva kokungaphiwa incwadi yokumkhulula ukuba ayedlala ese South Africa liqembu le Chipangano.
Abanengi abangazi ngembali kaAnthony Nakamba bathi nxa bembona enkundleni ezitshiyeneyo okudlalelwa khona umdlalo wenguqu ehamba ndawonye labanye abadlali abaduma ngensuku ezadlulayo bezibuze ukuba yena engabe engubani kodwa kube nzima ukuthola impendulo.
Lalabo abalolwazi ngezomdlalo kanobhutshuzwayo bathi nxa bethi baphathisa labo abayabe bebuza bachaze uNakamba njengo baba womdlali waseZimbabwe osakhulayo odlala eselizweni le France uMarvelous.
Lokhu kungoba uNakamba waphanga wakhalala ukudlala umdlalo kanobhutshuzwayo ngemva kokuba iqembu le Hwange lithandabuze ukumbhalela incwadi yokumvumela ukuba ayedlala elizweni le South Africa kuqembu le Alexandra Blackpool.
UNakamba uzalelwe elizweni lase Zambia ngomnyaka ka 1969 wasesiza eZimbabwe eleminyaka emine eyokuzalwa njalo uqale ukudlala umdlalo wenguqu esesikolo semfundo yangaphansi ese Sir Humphrey Gibbs esisedolobheni le Hwange.
Imfundo yakhe yaphezulu uyenzele esikolo se Hwange Secondary lapho aqhubekele phambili khona edlala ibhola njalo uthe engu Form Three ngo 1989 wayadlalela iqembu le Zesa Hwange lona elalidlala esigabeni se Southern Region Division One.
Kuthe ngomnyaka ka 1990 uNakamba watshiya iqembu le Zesa wasesiya kuqembu le Hwange lona elalisaziwa ngokuthi yi Wankie Football Club ngalezonsuku.
Inkinga atshayisane layo ngesikhathi ekuqembu le Hwange uNakamba yikuba bekulabo nozinti ababelesikhathi eside bedlala kusigaba saphezulu abagoqela uJohannes Tshuma kanye lo Isaac Tshuma okuyinto eyenza kwabanzima ukuba athole ithuba lokudlala nsuku zonke.
Lumdlali uhlale kuqembu le Hwange okweminyaka eyisithupha wasebopha imitshaqana yakhe wabhekisa amabombo elizweni le South Africa lapho afike adlala kuqembu le Alexandra Blackpool elalidlala kusigaba sika Division One kulelolizwe.
UNakamba uqhubekele phambili wathi ukuba khona kwezivumelwano zomsebenzi ezilotshelwana phakathi komdlali leqembu alidlalelayo kulezinsuku sekusenza kube lula ukuba abadlali bayedlalela amaqembu abawafunayo hatshi lokhu okwakusenzakala ngesikhathi yena esadlala.
Ekuphendukeni kwakhe eSouth Africa uNakamba usungule ibhizimusi lokuthengisa impahla eyokwakha edolobheni lako Bulawayo.
Ukudlala komntanakhe uMarvelous yikho okumenze aphenduke ebholeni esiyambukela ngesikhathi lumfana edlalela iqembu le Bantu Rovers.
UMarvelous wenze izimanga ngomnyaka ka 2010 lapho abengumdlali omncinyane kulabanye bonke abakade bedlala esigabeni se PSL eleminyaka elitshumi lanhlanu.
Lumfana useke wadlalela amaqembu abasakhulayo amela ilizwe leZimbabwe emdlalweni kanobhutshuzwayo njalo ungomunye wabadlali bakuleli abalihlekana abadlala phetsheya kolwandle.
Abanengi abangazi ngembali kaAnthony Nakamba bathi nxa bembona enkundleni ezitshiyeneyo okudlalelwa khona umdlalo wenguqu ehamba ndawonye labanye abadlali abaduma ngensuku ezadlulayo bezibuze ukuba yena engabe engubani kodwa kube nzima ukuthola impendulo.
Lalabo abalolwazi ngezomdlalo kanobhutshuzwayo bathi nxa bethi baphathisa labo abayabe bebuza bachaze uNakamba njengo baba womdlali waseZimbabwe osakhulayo odlala eselizweni le France uMarvelous.
Lokhu kungoba uNakamba waphanga wakhalala ukudlala umdlalo kanobhutshuzwayo ngemva kokuba iqembu le Hwange lithandabuze ukumbhalela incwadi yokumvumela ukuba ayedlala elizweni le South Africa kuqembu le Alexandra Blackpool.
UNakamba uzalelwe elizweni lase Zambia ngomnyaka ka 1969 wasesiza eZimbabwe eleminyaka emine eyokuzalwa njalo uqale ukudlala umdlalo wenguqu esesikolo semfundo yangaphansi ese Sir Humphrey Gibbs esisedolobheni le Hwange.
Imfundo yakhe yaphezulu uyenzele esikolo se Hwange Secondary lapho aqhubekele phambili khona edlala ibhola njalo uthe engu Form Three ngo 1989 wayadlalela iqembu le Zesa Hwange lona elalidlala esigabeni se Southern Region Division One.
Kuthe ngomnyaka ka 1990 uNakamba watshiya iqembu le Zesa wasesiya kuqembu le Hwange lona elalisaziwa ngokuthi yi Wankie Football Club ngalezonsuku.
Inkinga atshayisane layo ngesikhathi ekuqembu le Hwange uNakamba yikuba bekulabo nozinti ababelesikhathi eside bedlala kusigaba saphezulu abagoqela uJohannes Tshuma kanye lo Isaac Tshuma okuyinto eyenza kwabanzima ukuba athole ithuba lokudlala nsuku zonke.
Lumdlali uhlale kuqembu le Hwange okweminyaka eyisithupha wasebopha imitshaqana yakhe wabhekisa amabombo elizweni le South Africa lapho afike adlala kuqembu le Alexandra Blackpool elalidlala kusigaba sika Division One kulelolizwe.
UNakamba uqhubekele phambili wathi ukuba khona kwezivumelwano zomsebenzi ezilotshelwana phakathi komdlali leqembu alidlalelayo kulezinsuku sekusenza kube lula ukuba abadlali bayedlalela amaqembu abawafunayo hatshi lokhu okwakusenzakala ngesikhathi yena esadlala.
Ekuphendukeni kwakhe eSouth Africa uNakamba usungule ibhizimusi lokuthengisa impahla eyokwakha edolobheni lako Bulawayo.
Ukudlala komntanakhe uMarvelous yikho okumenze aphenduke ebholeni esiyambukela ngesikhathi lumfana edlalela iqembu le Bantu Rovers.
UMarvelous wenze izimanga ngomnyaka ka 2010 lapho abengumdlali omncinyane kulabanye bonke abakade bedlala esigabeni se PSL eleminyaka elitshumi lanhlanu.
Lumfana useke wadlalela amaqembu abasakhulayo amela ilizwe leZimbabwe emdlalweni kanobhutshuzwayo njalo ungomunye wabadlali bakuleli abalihlekana abadlala phetsheya kolwandle.