Ukwakhiwa kwesigodlo sikamongameli ko Zvimba, ekhaya likaMugabe ledale lephalamende, kunye lamahotela aphezulu sekudale inkulumo uzulu ethanda buza ukuthi kanti vele uhulumende uyithole ngaphi imali yokwakha idolobho leli.
Okwengezelele inkulumo yikuthi abanye abakuhulumende kabazi lutho ngokwakhiwa kwedolobho leli eliphiwe igama lokuthi Zvimba Paradise City.
Ugatsha lokubuswa kwezabelo lwethule umfanekiso owevidiyo otshengisa ukuthi lelidolobho elizabe lilomgwaqo owenelisa ukusetshenziswa zimota ezintathu sikhathi sinye.
Imizamo yokukhuluma lomphathintambo wezokubuswa kwezabelo, umnu. Ignatius chombo yehlule.
Kodwa umphathintambo wezakhiwo zikahulumende, uMnu. Joel Gabhuza utshele iStudio 7 ukuthi abazi lutho ngokwakhiwa kwedolobho leli.
Nyakenye icele leMDC elikhokhelwa nguMnu. Welshman Ncube lafaka isicelo sokuthi idale lephalamende lakhiwe koBulawayo kodwa uhulumende wala esithi kalamali. Sixoxe lesikhulumi salelibandla, uMnu. Nhlanhla Dube ukuze sizwe imbono yakhe ngaloludaba.
Okwengezelele inkulumo yikuthi abanye abakuhulumende kabazi lutho ngokwakhiwa kwedolobho leli eliphiwe igama lokuthi Zvimba Paradise City.
Ugatsha lokubuswa kwezabelo lwethule umfanekiso owevidiyo otshengisa ukuthi lelidolobho elizabe lilomgwaqo owenelisa ukusetshenziswa zimota ezintathu sikhathi sinye.
Imizamo yokukhuluma lomphathintambo wezokubuswa kwezabelo, umnu. Ignatius chombo yehlule.
Kodwa umphathintambo wezakhiwo zikahulumende, uMnu. Joel Gabhuza utshele iStudio 7 ukuthi abazi lutho ngokwakhiwa kwedolobho leli.
Nyakenye icele leMDC elikhokhelwa nguMnu. Welshman Ncube lafaka isicelo sokuthi idale lephalamende lakhiwe koBulawayo kodwa uhulumende wala esithi kalamali. Sixoxe lesikhulumi salelibandla, uMnu. Nhlanhla Dube ukuze sizwe imbono yakhe ngaloludaba.