Kulabantu abedlula ikhulu abavalelwe entilongweni okwamanye bemelele ukuthoniswa amacala okwephula iziqondiso zomthetho weCriminal Law (Codification) and Reform Act.
Abantu laba bagoqela amalunga ebandla leCitizens Coalition for Change abotshwe ngoNhlangula etheswa amacala okuqoqa umhlangano ongekho emthethweni.
Abalwela ilungelo loluntu - uMnu. Robson Chere, uNkosazana Namatai Kwekweza, uMnu. Vusumuzi Moyo loMnu. Samuel Gwenzi bavalelwe entilongwenweni – eRemand prison besetheswa amacala okutshengisela phandle komthethwandaba bakhonona ngokubotshwa kwamalunga eCCC kanye lotshotshozela udlakela elizweni. Bayakuphika lokhu.
Kusenjalo, eleZimbabwe seligcwalise ibutho lamapholisa kwemanye amadolobho ngesikhathi kulungiselelwa umhlangano oweSADC Summit ozaqhutshwa mhlaka 17 kuyonale inyanga.
Ukuze sihlaziye udaba lolu, sixoxe lolandela ezombusazwe, uMnu. Fortune Mlalazi, kanye lelunga lebandla leZanu PF uMnu. Joseph Tshuma.
Forum