Ukuxotshwa kwamalunga eZanu PF acatshangelwa ukuthi asekela uNkosikazi Joyce Mujuru kuqhubekele phambili ngoLwesine ngokuxotshwa kukamphathintambo weMasvingo kuhulumende uMnu Kudakwashe Bhasikiti.
UMongameli Mugabe ususe uBhasikiti esikhundleni esithi kasuthiseki ngendlela asebenza ngayo.
UMnu Bhasikiti uba ngomunye wabaphathintambo beZanu PF abaxotshwe ezikhundleni nguMugabe esithi kabaqhubi kuhle umsebenzi.
Kodwa ingcwethi zithi abantu laba baxotshelwe ukuthi bebesebenzelana loMujuru yena oxotshwe kuhulumende nyakenye esetheswa icala lokuzama ukugenzula umbuso kaMugabe.
NgoLwesithathu ibandla leZanu PF lixotshe uMnu Didymus Mutasa loMnu Themba Mliswa, yena obengumeli weHurungwe West edale lephalamende.
Ekhuluma leStudio 7 uMliswa uthe ulethemba lokuthi uzabuyela kuZanu PF njalo ngolunye usuku.
Abaxotshwa kuZanu PF esikhathini esinengi kabaphiwa ithuba lokuzivikela.