WASHINGTON DC —
Ibandla leZanu PF lithi lizacwayisisa udaba lokulwisana phakathi kwamalunga alo edale lephalamende ngempelaviki libajezise nxa bethe batholakala belecala.
Ababili laba, uMnu Owen Ncube omela iGokwe-Kana lommeli weKwekwe Central uMnu Masango Matambanadzo batshayane ngezibhakela kwaba luthuli ngemva kokuba uMatambanadzo ethese uNcube umlandu wokumhlambaza.
Abazi ngokwenzakalayo bathi uNcube ngowecele elikhokhelwa nguMnu Emmerson Mnangagwa njalo uMatambanadzo ukuxuku likaNkosikazi Joyce Mujuru.
Isikhulumeli salelibandla uMnu Rugare Gumbo uthi bazalukhangelisisa loludaba.
Sixhume ingcwethi ecubungula ezombusazwe uMnu Mlamuli Nkomo yena othi ukutshayana kukaNcube loMatambanadzo kuveza sobala ukulwisana okukuZanu PF.