JOHANNESBURG —
KuWoza Friday liviki sileqembu elitsha emculweni kaMaskandi elizibiza “Zinjaziyamluma”. Idlalade lakuqala laleli qembu elithi “Kobandayo” lithengwa ubuthumuthumu ngabakhwabitha umculo kamaskandi kwele South Africa.
Uzelwe esaziwa ngokuthi ngumxolisi Khulekani Mavundla, edume ngomculo weSichathamiya ophinda waziwe ngokuthi yiMbube, kodwa uthe ngokungena emculweni kaMaskandi lonyaka kwaguquka izinto baqala ukumbiza Zinjaziyamluma.
Lobanje uMxolisi eqale ezokucula esakhula khonale kibo eTsholotsho, obekudume ngokuthi Kukomnyamubambile, udumo lwakhe lukhule ngo 2010 ngemva kokubumba iqembu le Sichathamiya ele Nkanyezi Zezulu. Lonyakake ka2013 ungene wajula emculweni womdabu waphuma esenguMaskandi ovuthwe busu okuyinto esitshiye abanengi bengela nkani.
Ehamba phambili kuleli dlalade lakhe lakuqala elithi “Kobandayo” yiyole ethi kobandayo. Laphake ukhala ngendlela atshiywa ngayo yizihlobo zakhe esithi kusele ubuhlungu bantolontolo. UZinjaziyamluma otshaya isiginci aphinde akhalele uthi lelidlalade ligijima okwamakukisi atshisayo.
Lelidlalade loba ulihwatshe encedisana labaculi bakwele South Africa abadumileyo abagoqela usaziwayo kwezokholo ubonakele, kanye lengcitshi kwezamagithali kaMaskandi owe “Hashi Elimhophe” ubukhalibembazu bhengu ehamba ndawonye lomaqhuzu kweze keyboard uphathaphatha ngcobo.
UZinjaziyamluma uthi ubenxusiwe komunye umcimbi wabanikazi ngenyanga ephelileyo, kodwa uthe nxa engena enkundleni kwaqamuka izikeyi. Uthike lawe nxa ufuna ukuzwa lokhu okugijinyelwa ngabanengi, loba ufuna ezokwenza izimanga egigini lakho thintana laye kufacebook phansi kwegama elithi mxoe Zinjaziyamluma Mavundla, kawusoke uzisole.
Uzelwe esaziwa ngokuthi ngumxolisi Khulekani Mavundla, edume ngomculo weSichathamiya ophinda waziwe ngokuthi yiMbube, kodwa uthe ngokungena emculweni kaMaskandi lonyaka kwaguquka izinto baqala ukumbiza Zinjaziyamluma.
Lobanje uMxolisi eqale ezokucula esakhula khonale kibo eTsholotsho, obekudume ngokuthi Kukomnyamubambile, udumo lwakhe lukhule ngo 2010 ngemva kokubumba iqembu le Sichathamiya ele Nkanyezi Zezulu. Lonyakake ka2013 ungene wajula emculweni womdabu waphuma esenguMaskandi ovuthwe busu okuyinto esitshiye abanengi bengela nkani.
Ehamba phambili kuleli dlalade lakhe lakuqala elithi “Kobandayo” yiyole ethi kobandayo. Laphake ukhala ngendlela atshiywa ngayo yizihlobo zakhe esithi kusele ubuhlungu bantolontolo. UZinjaziyamluma otshaya isiginci aphinde akhalele uthi lelidlalade ligijima okwamakukisi atshisayo.
Lelidlalade loba ulihwatshe encedisana labaculi bakwele South Africa abadumileyo abagoqela usaziwayo kwezokholo ubonakele, kanye lengcitshi kwezamagithali kaMaskandi owe “Hashi Elimhophe” ubukhalibembazu bhengu ehamba ndawonye lomaqhuzu kweze keyboard uphathaphatha ngcobo.
UZinjaziyamluma uthi ubenxusiwe komunye umcimbi wabanikazi ngenyanga ephelileyo, kodwa uthe nxa engena enkundleni kwaqamuka izikeyi. Uthike lawe nxa ufuna ukuzwa lokhu okugijinyelwa ngabanengi, loba ufuna ezokwenza izimanga egigini lakho thintana laye kufacebook phansi kwegama elithi mxoe Zinjaziyamluma Mavundla, kawusoke uzisole.
