JOHANNESBURG —
KuWoza Friday liviki uBenedict Nhlapho ulethulela idlalade elitsha lomdumo wembaqanga olomehluko ovela kuqembu le”Nkululeko Iqiniso Band”. Leliqembu likhombisa ubungcitshi obukhulu ekuxubaniseni umdumo weMbaqanga lokaMaskandi. Umsunguli waleli qembu uNkululeko Sibanda utshele uNhlapho ukuthi idlalade lakhe elithi ‘Sekwanale’ liyimpumela yokuhlupheka kwakhe okukhulu kwezomculo.
Abanengi asebeke bathola ithuba lokulalela lelidlalade bathi ngokwakuqala ukuthi eZimbabwe kuqhunswe imbaqanga yaloluhlobo. Iziginci ziqunjwaqunjwe ngobuciko, ikeyboard layo yenwaywa ngohlonzi lwaphezulu kukanti ezingungwini lakho idibulatibule yakhona layo ihlelekile. YiMbaqanga kodwa kuyacaca ukuthi ixutshaniswe loMaskandi.
UNkululeko Sibanda yinsizwa edabuka eTsholotsho phansi kukanduna uMswigana eGombalume. Uqale ukucula esesesibangeni semfundo yeprimary eGombalume ngo 1988. Ngo 1993 wabumba iqembu le Mbube elalizibiza ngokuthi “Abafana Bodumo” kodwa ayelabo bamtshiya. Ngo 1998 eseseGoli wethula idlalade elithi “Inkululeko” uzoyikhumbula lakho izinto azihambanga kuhle.
Ngo 2002 wacindezela u”Salakutshelwa”, walandelwa ngu“Kahle Ngamatshe” ngo 2004 kodwa lakho kakuhambanga ngendlela ayefisa ngayo. Ngomnyaka ofanayo wacindezela elithi “Ngizohlala no Jesu kuze kulunge”.
Ngo 2009 wathi “Iphikankani”, ngo 2010 wathi “Ngangitheni”, ngo 2012 wathi “Ubombongu Jesu”. Sekuze kwenzeka ayelokhu ekufisa lonyaka ngedlalade lakhe leMbaqanga exutshaniswe loMaskandi elithi “Sekwanele”. USibanda leqembu lakhe alibiza ngokuthi Nkululeko Iqiniso Band, bathi ngeke besavuma ukudelelwa futhi kwezomculo.
Abanengi asebeke bathola ithuba lokulalela lelidlalade bathi ngokwakuqala ukuthi eZimbabwe kuqhunswe imbaqanga yaloluhlobo. Iziginci ziqunjwaqunjwe ngobuciko, ikeyboard layo yenwaywa ngohlonzi lwaphezulu kukanti ezingungwini lakho idibulatibule yakhona layo ihlelekile. YiMbaqanga kodwa kuyacaca ukuthi ixutshaniswe loMaskandi.
UNkululeko Sibanda yinsizwa edabuka eTsholotsho phansi kukanduna uMswigana eGombalume. Uqale ukucula esesesibangeni semfundo yeprimary eGombalume ngo 1988. Ngo 1993 wabumba iqembu le Mbube elalizibiza ngokuthi “Abafana Bodumo” kodwa ayelabo bamtshiya. Ngo 1998 eseseGoli wethula idlalade elithi “Inkululeko” uzoyikhumbula lakho izinto azihambanga kuhle.
Ngo 2002 wacindezela u”Salakutshelwa”, walandelwa ngu“Kahle Ngamatshe” ngo 2004 kodwa lakho kakuhambanga ngendlela ayefisa ngayo. Ngomnyaka ofanayo wacindezela elithi “Ngizohlala no Jesu kuze kulunge”.
Ngo 2009 wathi “Iphikankani”, ngo 2010 wathi “Ngangitheni”, ngo 2012 wathi “Ubombongu Jesu”. Sekuze kwenzeka ayelokhu ekufisa lonyaka ngedlalade lakhe leMbaqanga exutshaniswe loMaskandi elithi “Sekwanele”. USibanda leqembu lakhe alibiza ngokuthi Nkululeko Iqiniso Band, bathi ngeke besavuma ukudelelwa futhi kwezomculo.
