JOHANNESBURG —
KuWoza Friday liviki sileqembu elitsha lomdumo weRhumba ele Nata Masters. Leliqembu elibunjwe nyakenye litshaye umazivelela ngedlalade elitsha elithi “Bananzelele”.
Iqembu leNata Masters libunjwe ngu Descent Sibanda ngomnyaka ophelileyo. Linsizwa edabuka eTsholotsho esigabeni seNata ithi yavele yaqala ukukhombisa italenta layo lokucula isasekuGrade 4, lobanje ngalesisikhathi wayesatshaya iziginci zamagabha.
Ngemva kweminyaka eminengi elolongwa ngumfowabo kwezokutshaya isiginci samampela, nyakenye uDescent uhlale phansi wabumba iqembu lakhe.
Akayedwake kuleli qembu uDescent. Uthi nxa ekhalela ngapha ebambe irhythm guitar. Eceleni kwakhe u Witness Ncube uyabe entantalaza ngesiginci esihamba phambili, uTsepo Sibanda esadalala emuva lesiginci sebhonga, uProgress Dube ethe sece kuye emcedisa ukuhlabela, kukanti uMafios Ndlovu laye uyabethe kho emuva lezingungu.
Kakuthandabuzekike ukuthi okuphuma lapho luluju olumunyethwe yileli dlalade labo elitsha njalo elakuqala elithi Bananzelele.
Ingoma eziyisithupha ezikuleli dlalade zigoqela ethi Yithi labo, kuze uBanazelele, kulandele ethi Abantwana, besekusiza Ukufa, yena elanywe nguNkosiyami kuthi uMidzimu abenguye icinathunjana.
UDescent uthi inhlupho ababhekane lazo zigoqela ukuswela iziginci lakho konke abakusebenzisa emculweni. Uthi okwamanje baphila ngokweboleka. Uthi indawo zokuthengisela umculo wakhe lazo siyahlupha. Lezike ngezinye zezinto athi ucela ukuxhaswa kuzo.
Uthike njengeqembu elitsha, bangathokoza kakhulu nxa ungaxhumana laye kuface book phansi kwegama elithi Descent Mtsewa Mdawu, ubacebise ngendlela abangalolonga ngayo umculo wabo.
Iqembu leNata Masters libunjwe ngu Descent Sibanda ngomnyaka ophelileyo. Linsizwa edabuka eTsholotsho esigabeni seNata ithi yavele yaqala ukukhombisa italenta layo lokucula isasekuGrade 4, lobanje ngalesisikhathi wayesatshaya iziginci zamagabha.
Ngemva kweminyaka eminengi elolongwa ngumfowabo kwezokutshaya isiginci samampela, nyakenye uDescent uhlale phansi wabumba iqembu lakhe.
Akayedwake kuleli qembu uDescent. Uthi nxa ekhalela ngapha ebambe irhythm guitar. Eceleni kwakhe u Witness Ncube uyabe entantalaza ngesiginci esihamba phambili, uTsepo Sibanda esadalala emuva lesiginci sebhonga, uProgress Dube ethe sece kuye emcedisa ukuhlabela, kukanti uMafios Ndlovu laye uyabethe kho emuva lezingungu.
Kakuthandabuzekike ukuthi okuphuma lapho luluju olumunyethwe yileli dlalade labo elitsha njalo elakuqala elithi Bananzelele.
Ingoma eziyisithupha ezikuleli dlalade zigoqela ethi Yithi labo, kuze uBanazelele, kulandele ethi Abantwana, besekusiza Ukufa, yena elanywe nguNkosiyami kuthi uMidzimu abenguye icinathunjana.
UDescent uthi inhlupho ababhekane lazo zigoqela ukuswela iziginci lakho konke abakusebenzisa emculweni. Uthi okwamanje baphila ngokweboleka. Uthi indawo zokuthengisela umculo wakhe lazo siyahlupha. Lezike ngezinye zezinto athi ucela ukuxhaswa kuzo.
Uthike njengeqembu elitsha, bangathokoza kakhulu nxa ungaxhumana laye kuface book phansi kwegama elithi Descent Mtsewa Mdawu, ubacebise ngendlela abangalolonga ngayo umculo wabo.
