BULAWAYO —
Ku Woza Friday liviki silomculi owaziwa ngegama lokuthi ngu Dumisani Nyongola yena osanda kwethula idlalade lakhe elitsha elilengoma ezokholo elibizwa ngokuthi "The Gospel in African Voices".
U Dumisani Nkomo yena owaziwa kwezomculo ngegama elithi Dumi Nyongola ungene kwezomculo ngomnyaka ka 2002 lapho abeyingxenye yeqembu le Kozekulunge lona elikhokhelwa ngu Majahawodwa Ndlovu, yena odume ngegama lomsebenzi elokuthi ngu Jeys Marabini.
UNyongola uphatheke kungoma zika Jeys ezibelodumo ezinengi ezigoqela ethi Sisemarabini lapho okwasukela khona igama leli elithi Jeys Marabini.
Lumculi uthe ngokuzibona esekhulile kwezomculo wabumba iqembu le Black Face endawonye labanye ayesebenza labo ekusekeleni uJeys kodwa uphinde waphenduka kuqembu leKozekulunge ngemva kokuba iqembu le Black Face selisuke ladilika ngesikhathi isimo somnotho simi kubi kwele Zimbabwe.
Isifiso sokuba ecindezele owakhe umculo uyale elokhu elaso umfoka Nkomo njalo lonyaka uze wenelisa ukukhipha indlikizane yedlalade elilengoma ezilitshumi.
UNyongola wethe idlalade lakhe igama elithi The Gospel in African languages ngenxa yokuba kuluhlu lwengoma zakhe kulengoma ezihlatshelwe ngendimi ezigoqela isiNdebele, isiShona, isiNgisi kanye lesiSotho.
Ezinye ingoma ezitholakala kulelidlalade ngezigoqela ethiwa Ke rapele, Igama lika Jesu, Ngempela/Ichokwadi, Ndodana, Ubagcine, Mama, God forgive us, Jehovah kanye le remix ka Ke Rapele.
Umfoka Nyongolo uke wathi fahla fahla echasisa ukuba ukhuluma ngani kwezinye zalezi ngoma.
U Nyongola ulilunga lebandla lenkonzo ye Family of God njalo usebenze labazalwane bakhe kungoma yakhe ethiwa Ngempela/Ichokwadi yona eculwe kusetshenziswa indimi ezithi isiNdebele kanye lesiShona.
Kuculo elithi Ke Rapele umculi uphathiswe ngumngane wakhe uDensen Kulube ukubhala lingoma ngesiSotho okululimi uNyongola athi lulimi olwalukhulunywa ngugogo wakhe kodwa osolwabalahlekelayo ngakibo.
UNyongola ubhale lingoma ngesiNdebele kwathi uKulube waseyintshintshela elimini lwesiSotho.
Abanye abancedise kulelidlalade ngabathi Udj Skyz onguye owapheka amachacho kungoma ethiwa Mama kanye leqembu le Family Voices elifake amazwi alo kungoma ethiwa Ndodana.
Idlalade lika Nyongola lethulwe kuzulu ngenyanga kaNcwabakazi njalo selitholakala ezitolo.
U Dumisani Nkomo yena owaziwa kwezomculo ngegama elithi Dumi Nyongola ungene kwezomculo ngomnyaka ka 2002 lapho abeyingxenye yeqembu le Kozekulunge lona elikhokhelwa ngu Majahawodwa Ndlovu, yena odume ngegama lomsebenzi elokuthi ngu Jeys Marabini.
UNyongola uphatheke kungoma zika Jeys ezibelodumo ezinengi ezigoqela ethi Sisemarabini lapho okwasukela khona igama leli elithi Jeys Marabini.
Lumculi uthe ngokuzibona esekhulile kwezomculo wabumba iqembu le Black Face endawonye labanye ayesebenza labo ekusekeleni uJeys kodwa uphinde waphenduka kuqembu leKozekulunge ngemva kokuba iqembu le Black Face selisuke ladilika ngesikhathi isimo somnotho simi kubi kwele Zimbabwe.
Isifiso sokuba ecindezele owakhe umculo uyale elokhu elaso umfoka Nkomo njalo lonyaka uze wenelisa ukukhipha indlikizane yedlalade elilengoma ezilitshumi.
UNyongola wethe idlalade lakhe igama elithi The Gospel in African languages ngenxa yokuba kuluhlu lwengoma zakhe kulengoma ezihlatshelwe ngendimi ezigoqela isiNdebele, isiShona, isiNgisi kanye lesiSotho.
Ezinye ingoma ezitholakala kulelidlalade ngezigoqela ethiwa Ke rapele, Igama lika Jesu, Ngempela/Ichokwadi, Ndodana, Ubagcine, Mama, God forgive us, Jehovah kanye le remix ka Ke Rapele.
Umfoka Nyongolo uke wathi fahla fahla echasisa ukuba ukhuluma ngani kwezinye zalezi ngoma.
U Nyongola ulilunga lebandla lenkonzo ye Family of God njalo usebenze labazalwane bakhe kungoma yakhe ethiwa Ngempela/Ichokwadi yona eculwe kusetshenziswa indimi ezithi isiNdebele kanye lesiShona.
Kuculo elithi Ke Rapele umculi uphathiswe ngumngane wakhe uDensen Kulube ukubhala lingoma ngesiSotho okululimi uNyongola athi lulimi olwalukhulunywa ngugogo wakhe kodwa osolwabalahlekelayo ngakibo.
UNyongola ubhale lingoma ngesiNdebele kwathi uKulube waseyintshintshela elimini lwesiSotho.
Abanye abancedise kulelidlalade ngabathi Udj Skyz onguye owapheka amachacho kungoma ethiwa Mama kanye leqembu le Family Voices elifake amazwi alo kungoma ethiwa Ndodana.
Idlalade lika Nyongola lethulwe kuzulu ngenyanga kaNcwabakazi njalo selitholakala ezitolo.
