JOHANNESBURG —
KuWoza Friday liviki sileqembu lomdumo we Rhumba ele Milikani Brothers. Leliqembu elikhokhelwa ngu Civa Malax, encedisana lomfowabo uNdux Junior, licine ukwethula idlalade ngo 2008, kodwa uCiva utshele uBenedict Nhlapho ukuthi sebebuyile njalo ngemva kwenkuthazo yabalandeli.
Zinsiwa zeMilikani Brothers, lezi osekuntolontolo zanyamalala, zisithi uthando lwakulezi insuku lugijimisa imali phambili.
Iqembu le Milikani Brothers libunjwe ngo 2006, ngu Civilization Ncube, oseDume ngelithi Civa Malax, lomfowabo uNdux Junior. Sikhathi sinye kwahle kwabunjwa i-Batshele Brothers ukuze ababili laba loba becula ndawonye, uNdux kube nguye umakhonya kuBatshele Brothers, uCiva ayibambe esidukwini ku Milikani.
Lobanje amaqembu abo womabili eselamadlalade ayisitshiyagalombili lama DVD amane, iMilikani yona yethula amabili kuphela, elithi Banondilamba lelithi Umphasuthe, Kill me Bunandi.
Ngemva kweminyaka emihlanu ephekana lezibiliboco endaweni zokudlela egoli, uCiva uthi iMilikani isiphendukile njalo emculweni.
Uthi ezamagithali wavele wakhula zisegazini, kungakhonje esefulathele ezifela emlonyeni waphindela emculweni.
Italenta lakhe liphuma mgceke kwenye yengoma zakhe zakudala ethi uNalubila.
UCiva uthi ubethi nxa esemsebenzini esathi uqhubela abelungu itiye, azizwe esehlabela, kuthi besambikela ngabafuna ukukudla, kugcwale iculo emlonyeni wakhe, waze wakubona ukuthi ikusasa lakhe lisemculweni. Uyathembisake ukuthi kukhulu elizakubona.
Linsizwa esakhulayo idla, ilale, ivuke ngothando okuyinto esidale ukuthi ingoma zakhe ezinengi zeyame kwezothando. Yindoda njalo engafuni kwaliwa njengoba ekhonona ngokwaliwa kwakhe nguNolanga.
UCiva uthi okwakhathesi uphakathi kokupheka idlalade lakhe elitsha akhangelele ukuliphaka kungakapheli umnyaka. Uthike le yinswayi edliwa ngitsho longelamazinyo.
Uphumake enkundleni ebonga indoda yakoBhango khonale kibo koMalaba, eyabakhela isitolo kwabalentokozo isigaba sonke, uzwe wonke umuntu ophuma kulesi sitolo esisitheka lezimnanidi esithi Kill me Bunandi.
Zinsiwa zeMilikani Brothers, lezi osekuntolontolo zanyamalala, zisithi uthando lwakulezi insuku lugijimisa imali phambili.
Iqembu le Milikani Brothers libunjwe ngo 2006, ngu Civilization Ncube, oseDume ngelithi Civa Malax, lomfowabo uNdux Junior. Sikhathi sinye kwahle kwabunjwa i-Batshele Brothers ukuze ababili laba loba becula ndawonye, uNdux kube nguye umakhonya kuBatshele Brothers, uCiva ayibambe esidukwini ku Milikani.
Lobanje amaqembu abo womabili eselamadlalade ayisitshiyagalombili lama DVD amane, iMilikani yona yethula amabili kuphela, elithi Banondilamba lelithi Umphasuthe, Kill me Bunandi.
Ngemva kweminyaka emihlanu ephekana lezibiliboco endaweni zokudlela egoli, uCiva uthi iMilikani isiphendukile njalo emculweni.
Uthi ezamagithali wavele wakhula zisegazini, kungakhonje esefulathele ezifela emlonyeni waphindela emculweni.
Italenta lakhe liphuma mgceke kwenye yengoma zakhe zakudala ethi uNalubila.
UCiva uthi ubethi nxa esemsebenzini esathi uqhubela abelungu itiye, azizwe esehlabela, kuthi besambikela ngabafuna ukukudla, kugcwale iculo emlonyeni wakhe, waze wakubona ukuthi ikusasa lakhe lisemculweni. Uyathembisake ukuthi kukhulu elizakubona.
Linsizwa esakhulayo idla, ilale, ivuke ngothando okuyinto esidale ukuthi ingoma zakhe ezinengi zeyame kwezothando. Yindoda njalo engafuni kwaliwa njengoba ekhonona ngokwaliwa kwakhe nguNolanga.
UCiva uthi okwakhathesi uphakathi kokupheka idlalade lakhe elitsha akhangelele ukuliphaka kungakapheli umnyaka. Uthike le yinswayi edliwa ngitsho longelamazinyo.
Uphumake enkundleni ebonga indoda yakoBhango khonale kibo koMalaba, eyabakhela isitolo kwabalentokozo isigaba sonke, uzwe wonke umuntu ophuma kulesi sitolo esisitheka lezimnanidi esithi Kill me Bunandi.
