BULAWAYO —
Ku Woza Friday liviki intathelizindaba yethu uJoseph Njanji usipha ingxoxo ayenze lembongi UDumisani Mhlanga yena owaziwa ngegama elithi "Imbongi Kazulu".
UDumisani uqale ukuma phambi komphakathi ehaya inkondlo ngesikhathi esenza izifundo zika Grade 2 esikolo seSolusi Primary ngomnyaka ka 1985.
Ukhule lamanono akhe kwathi ngomnyaka ka 1995 wabhalisa iqembu elithiwa Uzulu Omnyama Arts Project lenhlanganiso ye National Arts Council of Zimbabwe.
Leliqembu belihlanganisa ukucula, ukulingisa kanye lokusina njalo ngokuhamba kwesikhathi usebenze labantu abalodumo kwezemidlalo abafana lo Raisedon Baya kanye lo Christopher Mlalazi bona asebenze labo kumdlalo ophume kumabonakude othiwa Uhuru, uphatheke njalo kumdlalo we stage othiwa The Mask obuqondiswa ngu Stix Mhlanga lapho adlale khona eyimbongi u Bambatha.
Phakathi laphakathi kokusebenza labanye uMhlanga wenelise ukucindezela idlalade alethe igama elithi Uzulu Omnyama. Simbuze ukuba kungani ekhethe ukubiza iqembu lakhe ngegama elithi Uzulu omnyama ephinde ethe idlalade lakhe ngegama
Kudlalade lakhe leli uMhlanga ulandela unyawo lwabaculi abafana lo Mzwakhe Mbuli kanye lo Albert Nyathi bona abahlanganisa inkondlo lamachacho.
Usebenze labagoqela uZanele lo Thembinkosi Mage Mhlanga kanye lo Thethelela Dube ekuphekeni idlalade lakhe leli elilengoma eziyisithupha kanye lenkondlo ezimbili njalo eyinye inkondlo ngeyembongi uSithandazile Dube ethiwa Now it’s my time.
Inkondlo zika Mhlanga zithinta okutshiyeneyo okugoqela lenhlalakahle kazulu njalo uthi kungumlandu wembongi ukunqanda yiloba ngubani oyabe ephambanisa okubalisa ngitsho lenkokheli zelizwe okuyinto athi isike yamngenisa emanyaleni.
Kesizwe ebuza imibuzo eyinsindabaphenduli ngenhlalo yezizalwane zelizwe leZimbabwe.
Ensukwini ezisanda kwedlula uMhlanga usebenze lomculi wase Zimbabwe ohlala elizweni le Austria uDumisani Ramadu oweqembu leNsingizi Emnyama kanye lo Moses Ngwenya oweqembu le Soul Brothers kudlalade elithiwa Meet Me in Zimbabwe.
Kulezinsuku uMhlanga uphatheke kuhlelo oluqoqwa yi Amakhosi Theatre Productions olwe Dreams To Fame olujonge ukuvumbulula amathalenta amatsha kodwa isikhathi sakhe esinengi usiqeda ephatheke kumisebenzi yokufundisa abasakhulayo ezikolo ezitshiyeneyo zako Bulawayo, eNkabazwe kanye leNhla laseNyakatho yemaNdebeleni.
Lokhu akusiyonto entsha kuye ngoba eke waphatheka kuhlelo lwe Power in the voice obelusekelwa yi British Council njalo lujonge ukufundisa inkondlo kwabasakhulayo.
Ngesikhathi amabandla ekhankasela amavoti phambilini kokhetho olube khona ekupheleni kwenyanga kaNtulikazi, uMahlangu ubeyimbongi ebihamba lobencintisa ukuba nguMongameli welizwe uSikhwicamfundo Welshman Ncube Nango ke umfoka Mhlanga ephuma enkundleni ngengoma yakhe ethiwa Ngoqo yona ayicule encediswa ngu Thethelela Dube.
UDumisani uqale ukuma phambi komphakathi ehaya inkondlo ngesikhathi esenza izifundo zika Grade 2 esikolo seSolusi Primary ngomnyaka ka 1985.
Ukhule lamanono akhe kwathi ngomnyaka ka 1995 wabhalisa iqembu elithiwa Uzulu Omnyama Arts Project lenhlanganiso ye National Arts Council of Zimbabwe.
Leliqembu belihlanganisa ukucula, ukulingisa kanye lokusina njalo ngokuhamba kwesikhathi usebenze labantu abalodumo kwezemidlalo abafana lo Raisedon Baya kanye lo Christopher Mlalazi bona asebenze labo kumdlalo ophume kumabonakude othiwa Uhuru, uphatheke njalo kumdlalo we stage othiwa The Mask obuqondiswa ngu Stix Mhlanga lapho adlale khona eyimbongi u Bambatha.
Phakathi laphakathi kokusebenza labanye uMhlanga wenelise ukucindezela idlalade alethe igama elithi Uzulu Omnyama. Simbuze ukuba kungani ekhethe ukubiza iqembu lakhe ngegama elithi Uzulu omnyama ephinde ethe idlalade lakhe ngegama
Kudlalade lakhe leli uMhlanga ulandela unyawo lwabaculi abafana lo Mzwakhe Mbuli kanye lo Albert Nyathi bona abahlanganisa inkondlo lamachacho.
Usebenze labagoqela uZanele lo Thembinkosi Mage Mhlanga kanye lo Thethelela Dube ekuphekeni idlalade lakhe leli elilengoma eziyisithupha kanye lenkondlo ezimbili njalo eyinye inkondlo ngeyembongi uSithandazile Dube ethiwa Now it’s my time.
Inkondlo zika Mhlanga zithinta okutshiyeneyo okugoqela lenhlalakahle kazulu njalo uthi kungumlandu wembongi ukunqanda yiloba ngubani oyabe ephambanisa okubalisa ngitsho lenkokheli zelizwe okuyinto athi isike yamngenisa emanyaleni.
Kesizwe ebuza imibuzo eyinsindabaphenduli ngenhlalo yezizalwane zelizwe leZimbabwe.
Ensukwini ezisanda kwedlula uMhlanga usebenze lomculi wase Zimbabwe ohlala elizweni le Austria uDumisani Ramadu oweqembu leNsingizi Emnyama kanye lo Moses Ngwenya oweqembu le Soul Brothers kudlalade elithiwa Meet Me in Zimbabwe.
Kulezinsuku uMhlanga uphatheke kuhlelo oluqoqwa yi Amakhosi Theatre Productions olwe Dreams To Fame olujonge ukuvumbulula amathalenta amatsha kodwa isikhathi sakhe esinengi usiqeda ephatheke kumisebenzi yokufundisa abasakhulayo ezikolo ezitshiyeneyo zako Bulawayo, eNkabazwe kanye leNhla laseNyakatho yemaNdebeleni.
Lokhu akusiyonto entsha kuye ngoba eke waphatheka kuhlelo lwe Power in the voice obelusekelwa yi British Council njalo lujonge ukufundisa inkondlo kwabasakhulayo.
Ngesikhathi amabandla ekhankasela amavoti phambilini kokhetho olube khona ekupheleni kwenyanga kaNtulikazi, uMahlangu ubeyimbongi ebihamba lobencintisa ukuba nguMongameli welizwe uSikhwicamfundo Welshman Ncube Nango ke umfoka Mhlanga ephuma enkundleni ngengoma yakhe ethiwa Ngoqo yona ayicule encediswa ngu Thethelela Dube.