JOHANNESBURG —
KuWoza Friday liviki silomculi weRhumba uLungisani Nyathi leqembu lakhe le “Masiko Brothers”. Leliqembu selethule idlalade elitsha elithi “i-stress”. UBenedict Nhlapho uxhumane lalo omculi eJohannesburg.
Abanye bathi umuntu kungakhulunywa kubi ngaye umuzwe ethi ungithelela ulaka, omunye athi ungijwayela kabi kodwake uLungusani Nyathi leqembu lakhe leMasiko Brothers bathi “Ungithelela iStress”.
ULungisani ubumbe leli qembu ngo 2007 eseseGoli. Kodwake linsizwa edabuka esewula eKezi kayiqalanga ukucula ngo 2007.
Waqala ukucula iRhumba loJeseph Silwane esaseZimbabwe wasuka lapho wangena kuqembu le Mokisi Connection, qeda lapho wabumba elakhe ele Masiko Brothers.
Yenake uthi ezokucula kuye zisegazini. Asemathathu amadlalade eqembu leMasiko Brothers. Ngo 2009 bathe Ubuhlungu Besichathulo, kwathi ngo 2011 bathi Gazi Lami kanti lonyaka sebethe “I-stress”.
Laphake uthi inkulumo zabantu zimbi kantike sezize zingifakela “I-Stress”, esitsho ukuthi zimephula inhliziyo. Lelidlalade lilengoma eziyisithupha ezibalisa ethi “Iphutha”, “UMadawu”, indaba lo “Tsepiso”.
ULungisani uthi uyathokoza ngendlela umculo wakhe owemukelwa ngayo.
Lumculi uthi yena leqembu lakhe bazimisela ukuqhubeka becula lobanje kungesinto elula ngenxa yemikhuba egilwa yilaba abathengisa imiculo yabanye ngasese. Uthi ithemba lakhe likubalandeli bakhe.
ULungisani uthi isifiso sabo yikuthi bathuthuke babe liqembu elaziwayo emazweni amanengi. Unqonqosela njalo ukuthi ufuna ukuthuthukisa indawo yakubo esewula esebenzisa wona umculo.
Abanye bathi umuntu kungakhulunywa kubi ngaye umuzwe ethi ungithelela ulaka, omunye athi ungijwayela kabi kodwake uLungusani Nyathi leqembu lakhe leMasiko Brothers bathi “Ungithelela iStress”.
ULungisani ubumbe leli qembu ngo 2007 eseseGoli. Kodwake linsizwa edabuka esewula eKezi kayiqalanga ukucula ngo 2007.
Waqala ukucula iRhumba loJeseph Silwane esaseZimbabwe wasuka lapho wangena kuqembu le Mokisi Connection, qeda lapho wabumba elakhe ele Masiko Brothers.
Yenake uthi ezokucula kuye zisegazini. Asemathathu amadlalade eqembu leMasiko Brothers. Ngo 2009 bathe Ubuhlungu Besichathulo, kwathi ngo 2011 bathi Gazi Lami kanti lonyaka sebethe “I-stress”.
Laphake uthi inkulumo zabantu zimbi kantike sezize zingifakela “I-Stress”, esitsho ukuthi zimephula inhliziyo. Lelidlalade lilengoma eziyisithupha ezibalisa ethi “Iphutha”, “UMadawu”, indaba lo “Tsepiso”.
ULungisani uthi uyathokoza ngendlela umculo wakhe owemukelwa ngayo.
Lumculi uthi yena leqembu lakhe bazimisela ukuqhubeka becula lobanje kungesinto elula ngenxa yemikhuba egilwa yilaba abathengisa imiculo yabanye ngasese. Uthi ithemba lakhe likubalandeli bakhe.
ULungisani uthi isifiso sabo yikuthi bathuthuke babe liqembu elaziwayo emazweni amanengi. Unqonqosela njalo ukuthi ufuna ukuthuthukisa indawo yakubo esewula esebenzisa wona umculo.